Hemleya Xezeba Firatî ke ver bi Reqa ramena rê cinî pêşengî kenê. Şerwana bi nameyê Silava Minbice ke, Quwetê Sûrîyeya Demokratîke mîyan de, Hemleya Xezeba Firatî de ca gêna derheqê têkoşînê xo de qisey kerd.
Silava ke eslê xo tirkmen a, Minbic de 3 serrî destê çeteyan de esîr mend. Xelesnayîşê Minbic ra dima Silava beşdarê quwetanê QSD bîya. Şerwana QSD Minbice vist vîrî ke çeteyanê DAIŞî ereb, kurd, tirkmen û cinîyan esîr girewt û qetil kerd û wina qisey kerd: “Badê ke ez çeteyan ra xelesîyaya, mi qerar da ke ez beşdarê şervanan biba. Cinî û domanî sey kole sûkan de yenî rotiş. Sebebê beşdarbîyayîşê mi qedênayîşê zulmê çeteyan o. Ez nêeşkaya bêveng bimana.”
Minbice va ‘ma do heyfê xo bigirî’ û wina qedênaye: “Ma deyndarê şehîdan î. Bi saya şehîdan de ma azad bîyî. Senî ke Minbic azad bî, ma do Tebqa zî azad bikerî. Heta ke zulm biqedîyo ma do şer bikerî.”
REQA