Çend rojî verê bi nameyê Alî Wazîrî de kesêkê seba ke bêvengîya Milletê Yewbîyayeyî şermizar bikero, vernîya awanîya ci de bedenê xo veşnabi. Tedawîya Wazîrî dewam keno. Kurd û dostê Kurdan ke Swîsre û welatanê bînan ê Ewropa de cuyenî, vejîyayî raşteyan, çalakîya protestoyî viraştî.
Çalakgêrî Ofîsê Cenevre yê Millletê Yewbîyayeyî de ameyî têhet û hêrişê dagîrkerîye yê dewleta Tirkî şermizar kerdî. Çalakgêran silogananê ‘Wa Bicuyo Xoverdayîşê Rojawanî’, ‘Terorîst Erdogan’, ‘Bêvengîya hemparîya sucan a’ û sewbîna eştî. Çalakgêran waşt ke wa çalakîya Alî Wazîrî baş bêro famkerdene û gamê pratîkî bêrî eştene.
Qiseykerdişê ke ameyî kerdene de bale ancîyaye muhîmîya çalakîy Wazîrî ser û pawitişê Rojawanê Kurdîstanî ser o ame vindetene. Akademîsyen Thoreau Redcrowî zî dîyar kerd ke Serekê Amerîka Donald Trumpî îxanetê Kurdan kerdo û wina vato: “Beno ke tayênan qerarê îxanetî girewto, labelê ma do Kurdan tena nêverdî û hetê xoverdayîşê înan o rûmetin de bivinderî.”
Xeylê merkezan de çalakîyî ameyî viraştene
Qiseykerdişan ra dima çalakgêran vera xo da cayo ke Wazîrî çalakîya fedayîyane viraşta û ewja de siloganî ameyî eştene. Heto bîn de welatanê Swîsre, Fransa, Almanya, Yewnanîstan, Îtalya, Danîmarka, Fînlandîya û sewbîna cayan de zî çalakîyê protestoyî ameyî viraştene.
BRUKSEL