Hemşaredara Şaristano Gird a Amedî Gultan Kişanak, Namzedê Parlementerî yê HDPe ya Amedî Nîmetullah Erdogmuş, Edîp Berk, Nesrîn Şanli, Wekîlê Şaredarîya Sûrî Îzzettîn Candan û Azîze Deger Kutlu, Hemserekê DBPe ya Amedî Alî Şîmşek, Endamê Meclîsê Taxan, muxtar û alîmê dînî kombîyayîş de ca girewtî.
Hemşaredar Gultan Kişanak tîya de bal ant ser weçînayîşan û wina vat: “Wa no weçînayîş bibo wesîleyê aştîye. Wa demêko kilm de semedê çareserî dîyalogî dest pê bikerî. Ma waştênê semedê serra 2016 plansazî bikî. La semedê pêrodayîşan ma nêeşkayê bêrî têkişt. Ez bawer kena ke 1’ê Teşrîne de her çî bedilîyeno û weçînayîşê 1’ê Teşrîne beno wesîleyê aştî û dîyalogî.”
Malumat ame dayîş
Kişanak dergeyîya qalîkerdişê xo de ciresna ke her çende mîyanê zehmetî de kar kenî zî onca zî cayêko 15 henzar kilometre de xebat kenî û wina domna: “Ma emserr qezaya Sûrî de cayêko 110 kilometre de xebatê rayî kerde. Ma zanê ke qezaya Sûrî de hema zî meseleya awe esta. La xusisî mintiqaya Kuyularî de pê viraştişê xeta îsale meseleya awe safî bîya. Cayê ke tede meseleya awe esta, yeno zanayîş û şaredarîya ma tedbîran gêna. DÎSKÎ zî semedê akerdişê sondajê neweyan xebatê xo domnena.
Parlementerê HDPe ya Amedî Nîmetullah Erdogmuş zî kombîyayîş de qalîkerdişêk kerd û vat ke weçînayîşê 1’ê Teşrîne rê tay mendo û waşt wa her kes sindoqan ra wayîr bivejîyo.
AMED