Çalakîyê Kurdistanijan yê seba serbestîya Rayverê Şarê Kurd Abdullah Ocalan ramenê. ‘Nobeda Serbestîye’ ya ke 25ê Hezîran 2012 ra na het Strasbûrg de ramena, no hefte hetê hemserokanê KCDK-E û Federasyonanê ciamê dewr girewten.
Hemserokê ke bi îzahateke çapemenî dest pê çalakî kerdî, dê heta 25'ê Hezîran nobed biramnê. Roja 26'ê Hezîran zî do mîtîngeke gird bîro viraştiş. Zewbîn zî mîyanê no hefte de do xeylê sûkanê Awrûpa de xêmî bhirê ronayen. Bi nê nûmayîşan do hayr biancîyo tecrîdê Ocalanî ser û waştena serbestîya ci do bîro kerden.
Mitînga gird
Hemserokê Kongreya Civaka Demokratîk ê Kurdistanijanê Awropa (KCDK-E) Yuksel Koç ke çalakîya ‘Nobeda Serbestîye’ de ca gêno îzahatê çapemenî de qisey kerd û vist vîrî ke, seba şikitişê tecrîdî înan qerarê çalakîyan giroto. Koçî dîyar kerd ke çalakîya înan do 19'ê Hezîran ra heta 26'ê Hezîran dewam bikero. 26'ê Hezîran 2017’î de zî do mîtîngeke gird bîro viraşten. Hemserokê KCDK-E Yuksel Koçî veng da Kurdistanijan û dostanê ci ke tewrê no mitîngî bibê.
Yuksel Koçî hayr ant tecrîda Îmrali ser û aşkere kerd ke zey sazîyê Kurd ê ke Awrûpa de yê, înan seba şikitişê tecrîdî dest pê nê çalakîyan kerdo. Koçî aşkere kerd ke ganî yewêr endamekê înan zî teberê nê çalakîyan de nêmano û waşt ke herkes bi ruhê seferberî tewrê çalakîyanê serbestîyê Ocalanî bibo.
ANF/STRASBÛRG