Goreyê tesbîtê sazîyê sivîl û ÎHDî hepixaneyê Tirkîya de 1334 hepsê nêweş estê û mîyanê înan de rewşa 457 hepsê nêweş zaf bi giran o. Çi heyfo ke vera hepsê nêweş de teberê heqê merdimîye huquq yeno şuxilnayiş. Yew hefteyê ver 74 serra hepso nêweş Nebî Îlhan cuya xo da. Nurcan Bakir zî vera zilm û tedeyan xo kişt.
Babete ser o Hemsereka TUAYDERî ya Wanî Kudret Temel qise kerd û vat ke nika Hepisxaneyê Wanî de 69 hepsê nêweş estê û rewşa înan zî weş nîya û wina vat: “Malbatan seba berdişê nêweşxaneyan ê hepsê nêweş çiqas waştişname rayberîya hepisxaneyan bidê zî cewab nîno dayiş. Eke hepsê nêweş demo ke nêweşxaneyî ra yenî berdiş zî kelepçe û teda reyde yenî berdiş.”
Hepsê nêweş ê extîyar şerto serbest bimanê
Hemsereka TUAYDERî ya Wanî Kudret mergê hepso nêweş Nebî Îlhan ard vîr û wina peynî kerd: “Eke Nebî Îlhanî ra lez mudaxale biameynî kerdiş do biciwîyaynî. Nika hepisxane de hepsa nêweş Sîtî Goren zî manena. Rewşa a zî zaf bi giran a. Ma wazenê bi lezî hepsê nêweş ê extîyar serbest bimanê.”
JINNEWS/WAN