Grevê vêşanî ke hetê tepişteyanê sîyasî seba protestokerdişê tecrîda ser Rayverê Şarê Kurd Abdullah Ocalan’î û binlingkerdişê heqan destepa kerd rameno. Girotxaneyê Şakranî de grev roja 40. de yo. Rewşê nûmayîşkarî raştê îşkence û tehdîdanê îdareyê girotxaneyan yenê. Goreyê ÎHD rewşê 7 nûmayîşkarê cinî ke 23ê Sibat ra na het Girotxaneyê Sîncanî de grevê veyşanî de yo merhaleyekê krîtîk de yo. Nûmayîşkaran ra maya Ozgur Guçlu ke Girotxaneyê Şakranî de yo, Nacîye Guçlu vengê wayîrvejyayîşî da.
Girotxaneyê Şakranî yê Alîaga yê Îzmîrî de 26 tepişteyan 15ê Sibate de destpa grevê veyşanî kerd. Grevê veyşanî yê Şakran roja 40., yê Edîrne 31., Sîncan de 32., Menemen 20., yê Girotxaneyê Wanî zî roja 18., û yê Hêlwan zî roja 11. de yo. Ermenek û Osmanîye de zî grevê vêşanî dewam kenê.
Rewşê nûmayîşkaranê krîtîk o
Nûmayîşê Girotxaneyê Sîncanî ke 23ê Sibate de destpa kerd rameno. Rewşê 7 nûmayîşkarê cinî her ke şino beno giran. Komeleya Heqê Mordeman (ÎHD) bi raporeke aşkere kerd ke, nûmayîşkaran de vinîkerdişê kîlo, problemê tansîyon vejîyayo.
Rewşê nûmayîşkaranê Girotxaneyê Şakranî zî merhaleyekê krîtîk de yo. Nûmayîşkaran ra Ozgur Guçlu o ke Girotxaneyê Şakranî de nûmayîş de ca gêno bi raya telefonî malbata xo rê ciresna ke girotxane de raştê zext û îşkence yenê.
Cuya lajê xo ra bi guman a
Maya Ozgur Guçlu Nacîye Guçlu ke bi telefonî lajê xo ra qisey kerd û aşkere kerd ke lajê ci vato ke ê tim û tim raştê îşkence û tehdîdanê îdareyê girotxane yenê. Goreyê zonayişanê Ozgur Guçlu, koxişanê 8 kesî de 21 kesî manenê. Nacîye Guçlu vist vîrî ke bi OHALî ra pîya, hepisxaneyî bîyê sey îşkencexane. Guçlu da zonayen ke rîwalê îşkence pişta lajê aye bîyo mor û raporê derbî girewto. Nacîye Guçlu ard ziwan ke, tepişteyan nêbenê doktor û dîyar kerd ke a cuya lajê xo ra bi guman a.
10 kîlo da
Nacîye Guçlu da zonayen ka lajê ci Ozgurî 10 kîlo vinî kerdo û qiseyanê xo bi nê vatenan domna: “Lajê mi verê çimanê mi de vilêşeno. Wijdanê selahîyetdaran wina yo? Çira Wezaretê Edaletî heyetê ke nêşiraweno.”
Ozgur Guçlu’yî vato ke heta ke waştişê ci bîrê ca o fek xoverdayîşê xo ra vera nêdano. Nacîye Guçlu bi persa “Yew merdimêke çira grevê vêşanî dest pêbikero? kerd û da zonayen ke rewşa tepişteyanê bînan zî xirab bîya û vengê wayîrvejyayîşê nûmayîşkaran da.
ÎZMÎR/ENQERA