Cenîyan verê Şorişê Rojawanî, demê rejîmê Baasî zî 8’ê Adare pîroz kerdinê, Endama Koordînasyonê Efrînî yê Kongreya Starî Hedîye Yûsif vat ke bi Şorişê Rojawanî cenîyan heqanê xo dest vistê û her ca bî rasteyê 8’ê Adare.
SOZDA OREMAR / JINNEWS/ŞEHBA
Peynîya Şorişê Rojawanî, cenîyê Sûrîyeya Rojhelat û Vakûrî her serranê xo bi înşakerdişê xopawitiş, xoverdayiş û şorişî vîyartê. Verê şorişê demê rejîmê Baasî de 8’ê Adare tena hetê rejîmî bi fermî ameynê pîrozkerdiş. Bi averşîyayişê têkoşînê azadîya Kurd serra 1987î yew banêk de 8ê Adare bi nimite ame pîrozkerdiş. Cenîyan çarçiweya paradîgmayê Rayberê PKKî Abdullah Ocalanî xo rêxistin kerdê. Emserre bi rayberîya Kongreya Starî bi dirûşmê ‘Têkoşînê ma azadîye yo, xoverdayişê ma zî serkewtişî o’ cenîyan rasteyan ra vejyayî. Endama Koordînasyonê Efrînî yê Kongreya Starî Hedîye Yûsif vat ke verê Şorişê Rojawanî cenîyan nêeşkîyaynê bi rehetî 8ê Adare pîroz bikê, rejîm heme heqan destê cenîyan ra girewtbî, vera ci zî têkoşînêk estbî.
8ê Adare merdeyî pîroz kerdê
Hedîye Yûsif wina dewam kerd: “Cenîyan qewetê xo felsefeya Rayber Abdullah Ocalanî ra girewtî, 8ê Adare tewir bi tewri pîroz kerdinê. Demê rejîmî zafêr merdeyî organîzeyê pîrozkerdişê 8ê Adare kerdinê. Nika rêxistinê komelî de cenîye qeweto yewin ê. Yewîyeya Surîye seba cenîyan zaf bi muhîm a.”
Hedîye Yûsif aşkera kerd ke demê rejîmî çew nêeşkîyaynê bi rehetî hereket biko, rejîm dijî azadîya komelî bî la vera no zîhnîyetî cenîyê Kurd têkoşîn dayê û wina qedîna: “Nika verê Şorişî peynîya Şorişê pîrozkerdişê 8ê Adare de ferqê bi cidî estê. Şoriş tena cenîyê Kurd ra nê heme cenîyê Surîye ra tesîr kerd, Şorişê Rojawanî de rolê YPJijî zaf o. Ganî heme cenîyê azadîya xo ra wayîr bivejê û têkoşînê xo bikê bi hera. Cenîyê vera dîktatorîye serî hawanenê. Emserre zî cenîyê do 8ê Adare bi renganê xo pîroz bikê.”