Kurdistanijê ke welatanê Awrûpa de cuwyenê, vizêr seatanê şan ra tepya vejyay meydanan û qetlîam protesto kerdî. Almanya ra heta, Îskandînavya, Swîsre ra heta Awûstûralya, 7î ra heta 70 serrî herkes vejya meydanan û dewleta Tirk lanet kerd.
Badê aşnawitişê xeber cayanê zey, Freîbûrg, Frankfûrt, Dûîsbûrg, Dusseldorf, Mannheîm, Essen, Berlîn, Koln, Darmstadt, Hannover, Bremen, Bonn, Parîs, Nice, Marsîlya, Strasboûrg, Bern, Basel, Zurîch, Bruksel, Rotterdam, Londra, Viyana, Toronto û xeylê cayanê bîn de bi hezaran kesî bi slogana ‘Kiştox Erdogan’, ‘Kiştox Tirkiye’ vejyay meydanan û dewleta Tirk lanet kerdî.
Jû nûmayişa bîn zî ver bana Mahkemeyê Heqê Merdiman yê Awrûpa de viraziya. Bi desan Kurdistanijî şî ver bana MHMA û waştî dekewê zere. Nûmayişkarê ke amey manîkerdiş, wextê derg nûmayişê xo ramitî. Kurdistanijan aşkere kerdî ke MHMA wertaxê sûcî ya.
NAVENDÊ XEBERAN