No markor vizêr Amed de 27 Kanunê de zî Cizîrê de sarre xo vet têber.
Mesela kurd, pêvajo provokê kenê. Nirxî şarî manîpûle kenî. Ciwanan tahrîk kenî.
Her dor, qase ke Hereketa Kurd hendêk bînyatger (strukuralîst) nezdî nayan bena, hendêk wazena komeleya Tirkîya de her kes bîeşko xo azade îfade bikêro, her fikir, her netew û kêm netew, her dîn û mezhep menfetî komelî de muşterek bo la malesef awke tayenan ters şina. Malesef nêy xo nêvurînenê. Vizêr çi bî, ewroyê de zî eynî yê.
Malesef zere hînî partîyan de çeteger bica bîyî, bi taybet komeleya kurd tehrîk kenî. Sankî qabe suîîstîmal rexistin bîyî.
Çimkî, qase ke Sîyasî Hereketa Kurd henverê şikînêr û alozkerîya nayan hendêk strukuralîsta, û hala fesadî virazîyeno se demek kî, henver qet bi tahayulanê baş nîyo.
Sey her milet, mileta kurd zî pratîka rexistinan dezgeyan ser, tabî ke nîyet wanena. Pratîkî pêroyan werte de yo.
Şar linge (tetikê) faîlanê meçhul ra çîyêk guman nêkeno. Şar, ri nêdano nêyaran, ayera bê wex, bê munasebet Kurdistan de çîyê nêbaş benê.
Emserr, yanî serra 2014 de Çewlîg, Amed, Elîh û Cizîrê de, nê çetegerî bi defane bî sebebî hêdîsan, bîy sebebî mergî ciwanan. Heyf ke her hedîse de faîl belu bi.
La kes nê darizîya. Ne hedîse senî bi zanîtî pilan bi, wextî hedîsan senî bi zanîtî dîyar bi, her kes zano.
Nayan kam, kamîyan ra destêk ragirewt êdî aşkera bîyê. Rojêk verê piroveqasyonê Cizîrê, o kî paşte nayan mist kerd B. Arinç bi. Wa kes mevajo tesaduf bîyo.
Helê, amancî nayan ewro hîna rind fam bîyo. Fam bîyo, o ke no zîhnîyet îdare keno, tim wazeno şarî keye (kurd) xo bi xo piro bido.
Bê qiwet bo, lete-lete bo. Piron çendêk qicêk bo, hendêk rehet şono war.
Merdim gêra ne esasî ser biewno hedîsan ra... Û bi înat gêra îtîfaqe de bo.
Ne pêrkîn hedîsan de esa kî, Sîyasî Hereketa Kurd goreyê xo, goreyê giranîye xo, goreyê perspektîfî xo, a rast keno ke serkewtebîyayişya ey qat beno.
Zaf rey bi sebr û metanet, goreyê erjî şaro kurd, goreyê erjî dawa xo, goreyê perspektîfanê xo, bi hewayo haştîxanê bi mudaxîle nê hediseyan, bîyo kî Tirkîya û her lete Kurdistan de en zaf bi paye yo.
Yanî, verbi tersîtî nayan tim bi eqlo ku reel hereket kerd kî bîyo rumetî şarî xo. Bîya modele Rojhelato Mîyanên î...Netîce ne hedîseyan de zi esa her kes qase xo, set muradî xo keno.
Mistefa ŞAHÎN