Qetlîyamê Gurgumî ser ra 38 serrî vîyartî, la derheqê qetlîyaman de hema zî çîyêk nêameyo zelalkerdiş.
Babete ser o Hemserekê Qezaya Pazarcikî yê HDPyî Salman Okmen û welatî Huseyîn Satiyî qisey kerdî.
Okmenî qiseykerdişê de xo de wina va: “Tena yew yadkerdişî de daxî astengî vejenî. Qetlîyamê Gurgumî de hedefê kesê tarî û dewlete o bî ke mabênê elewî û sunîyan de lej bivejî. Elewîyî zanê ke seba qetlîyamî bitaybetî ameyî weçînayîş. Cayê cîya-cîyan ra merdimî, seba yadkerdişê bi vilikan, şîbî Gurgum. La bi hêrişan reyde rî bi rî mendî. Kesê ke şîbî seba ke zirar bidî çew nêşîbî. Hedefê qetlîyamî vilakerdişê rojhelat û başûrê rojhelatî bî.”
Huseyîn Satiyî zî wina va: “Ez zaf pê dejena ke ma nêeşkayî kesê ke qatlîyam de merdî, yad bikerî. Qetlîyamê Gurgumî ra verê cû heme kes sey waye û bira bî. Ganî şarê herême seba roşnkerdişê qetlîyamî bibî yew. Dewlet wazena serê qetlîyamî bigîro.”
24ê kanûne saet 12.00 de do merasîmê yadkerdişî hete Cemxaneyo ke taxa Yorukselîmî de yo, do bêro viraştiş. Şewa eynî roj de zî do Cemxaneyê Terolarî de cem bêro gêrnayîş.
DÎHABER / GURGUM