Hereketê Ekolojîya Amedî awanbîyîşê xo ra hetanê nika wêrankerdişê ekolojî ser xebatan keno. Azaya Hereketî û aktîvîsta Kolektîfa Jîngehî Çîlem Akkaya pergalê xorayîrberdişî de rolê ekolojî ser qise kerd. Akkaya aşkera kerd ke xorayîrberdiş û ekolojî hemnirx î, çike xozaya ekolojî de xo bi xo îdarekerdiş esto û no ser zî ekolojî merdim nêeşkeno xorayîrberdişî ra cîya bifikrîyo.
Herikyayişê xoza
Azaya Hereketê Ekolojîya Amedî û aktîvîsta Kolektîfa Jîngehî Akkaya dîyar kerd ke merdim demo ke biewnîyo xoza ra no demî vîneno ke herikbarîya xoza de îlanê xorayîrberdişî esto û wina vat: “Demo ke merdim hêrişê xoza bikero, no demî xoza xopawitişê xo kena. Afetê xoza, hêrişê merdimî ra zey verpersêk î. Nika şarê kurdî xorayîrberdişî de xoza finak girewtî û cuya xo de şuxilnenî la eke şarê kurdî têkilîya xorayîrberdişî, xoza reyde saz bikerî no demî do ser bikewî. Her çik kesî ra dest pê keno, ekolojî her warê cuya de esta û no ser zî kesayetî her warê cuya de xo bibo cuyeno.”
Têkiliya înan xort a
Akkaya ciresna ke nika Sûr û Cizîr de qirkerdişê ekolojî yeno kerdiş û wina dewam kerd: “Eke cayê ke aheng wazîyeno se, muhakkak oca de ganî xorayîrberdiş bibo. Birdayîşê kesayetan girêdayî xorayîrberdişî yo. Eke merdim nêeşkeno heremî ra behs bikero se, no demî nêeşkeno ekolojî ra zî behs bikero. Têkilîya xorayîrberdiş û ekolojî zaf xurt a. Merdim têgehê ekolojî tena têkilîya kesan nêeşkeno bi name bikero. Gorê ekolojî, cuya mabenê heme ganîyan de têkilî esta. Ma ganî raybazê xorayîrberdişî seba heme ganîyan biwazî“.
JINHA/AMED