Parlementera HDP yê Sêrt Besîme Konca zî tewrê kombiyayişî bî. Konca arde zûne ke ê verê zilm de milê xo çot nêkene û xoverdayişî re dewam kene.
HDP vera operasyonê qirkerdenê siyasî pêdiyinanê demokratîk ê şarî virazena. Kombiyayişê şarî ê HDP roja Sêşem Çewlîg de dewam kerd. Bi desan welatijî tewrê kombîyayişê HDP ke banê DBP ê Çewlîg de virazîya bî.
Parlamenterê HDP ê Sêrt Besîmê Konca ke kombiyayîşî de qisey kerd arde zûne ke Tirkîye tarîxe xo de demo tewr zor û zehmet ra viyerena ra. Konca vist vîrî ke AKP şarî û siyaseta Tirkîye serûbin kerd û wazene ke siyaseta demokratîk binate ra wedarîyo. Konca dîyar kerd ke şarê Kurd faşîzmê Tirkîye hol zûno û verê nayî de milê xo çot nêkeno. Konca eleqa ûnt muhîmînê xoverdayişî ser û va: “Şarê Kurd na dewlet rê qe reyî emel nîkerd. Dewlet ra teba zî nêwaşt. Kurdî endî Kurdê verî nîye. Eke dewlet hendayî hêrişê Kurdan kena se, no miyejneno ra ke ma çi qe bi quwetîye. Dewleta Tirk Kurdan ra tersena coka ci re zaf herîş kena.”
DÎHABER / ÇEWLÎG