Qamişlo de rayberîya Komîteya Spor û Ciwanîye ya Herêma Cizîre de bi rayraşîyayîşêk hêrişê dagîrkerî yê Tirkîya ameyê şermezarkerdene. Hêrişê dewleta Tirkî yê dagîrkerî yê vera Rojawanê Kurdistanî Qamişlo de ameyî şermezarkerdene.
Çalakgêran ke bi pankart û siloganan vera polîtîkaya hêrişkare ya dewleta Tirkî ya vera Kurdan de hêrsê xo ard ziwan heta verê temsîlkarîya Yewîya Neteweyîye rayra şîyî û ûca de eşkerayîya çapemenîye daye.Çalakgêran veng da hêzanê mîyanneteweyîyî û Yewîya Neteweyîye (YN) ke wa vera tehdîtanê hêrişî yê dewleta Tirkî yê vera Vakur û Rojhelatê Sûrîye bêveng memanê. Eşkerayîye de ame vatene ke domananê na herre heme dinya çeteyanê DAÎŞî ra xelisna û nê semedî ra 11 hezarî ra zafêr şehîdî dayî û 21 hezarî ra zafêr birîndarî estê. Çalakgêran vat şarê herême semedê cîrananê xo tehdît nêyo la dewleta Tirkî semedê heme herême tehluke ya.
ANF/QAMIŞLO