Komeleya Cinîyanê Kurdistanî (KJK) derheqê ewleyî û weşîya Rayberê Şarê Kurdî Abdullah Ocalanî de îzehetêko nuştekî daye.
KJKyî îzehetê xo de vato 'çapemenîye de derheqê cuya Rayberîya ma de tewir bi tewir melumatî yenî weşênayîş' û îzehet wina dewam kerdo: "Na rewşêka cîddî ya. Îzeheto ke hetê dewleta tirkî ra ameyo dayîş, bawerîya merdimî bide nîno. Rayberîya ma 19 serrî yo ke Girawa Îmrali de xover dano. No sîstemo ke dinya de tekê ci çin o de ti quralêko merdimîye çin o. Reyna zî Rayberîya ma hertim seba cuyêka azade hewl daye. No het de berpirsîyar Erdogan o. No adir do herkesî biveşno. No het de şarê ma cinî, ciwan û dostê ma heme hesas î. Hetê herkesî ra yeno zanayîş ke tevgerê ma no het de tavîz nêdano.”
KJKyî dewamê îzehetê xo de vato ‘Rayberîya ma heta nika bi desan reyan raştê cezayê tecrîdî û sewbîna kerdişanê taybetinan ameyo, labelê kerdişê nê îqtîdarî çiman ver de yî’ û wina domîyayo: “Ewro vera Rayberîya ma de hêrişê cîddîyî benî. Ganî şarê ma û dostê înan hesas bibî. Ganî dewleta tirk seba pêvînayîşê destûr bido û CPT zî wezîfeyê xo bikero.”
Wa çalakîyî hertim dewam bikerî
KJKyî îzehet de wina vato: “Ma veng danî şarê xo yê Vakur, Rojhelat, Rojawan, Başûr, Şengal û dostê ma yê heme dinya rê, wa herkes muhîmîya proseso ke ma tira derbaz benî fam bikero û beşdarê çalakîyan bibo. Heta ke Rayberîye ra xeberêk bêra girewtiş, ganî çalakîyê ma bidomyî. Ganî cuya rojane bêra vindarnayîş. Ganî heme cayê ke tede kurdî cuyenî de, herkes bivejîyo ziqaqan. Ma heta nika tim vera sîstemê kapîtalîstî de xover da. Lazim o nika zî ma vera fîravunanê hemdeman de xover bidî. Şexsê Rayberîya ma de vera cinî û heme merdimîye de komployêk ameye kerdiş. Seba vengvetişê komploye ganî ma xover bidî. Komplo do qet nêreso hedefê xo û merdimîye û azadî qezenç bikero.”
ANF/BEHDÎNAN