Koyêya girêdayeyê Hewlêrî de şewa 20ê kanûne de seba rojbîyayîşê Dr. Abdurrahman Qasimloyî û şewa tewr derge merkez de hetê KDP-Î ra aktîvîteyêk ame organîzekerdiş û wextê aktîvîte de 2 bombayî teqîyabî û netîceyê ci de 6 pêşmergeyî merdbî. Îdarekarê Hêzê Polîsan yê Koyê Şoreş Kake derheqê babete de va her çiqas ke derheqê hedîseyî de tehqîqat abîyo zî heta nika netîceyêk nêameyo girewtiş. Kakeyî dewamê qiseykerdişê xo de va çi heyf ke hûmara merdeyan zêde bîye. Hêrişî ra dima yeno zanayîş ke KDP-Îye îzehetêk dabî û vatbî ganî bi hawayo leze kerdoxî bêrî vînayîş.
KOYÊ