Rêxistina Bajarê Dêrsîmî ya HDPyî seba ke bale bianco grevê vêşanîye, rojeyê mergî û tecrîdî ser çalakîya roniştişî dabî destpêkerdene. Çalakîya roniştişî roja 13. de bêmabên dewam kena. Temsîlkarê dezge û partîyanê sîyasîyan û xeylê kesî beşdarê çalakîya ke Rasteyê Seyîd Rizayî de ameye viraştene bîyî.
Çalakîye de Hemserekê HDPyî yê Dêrsimî Hidir Çîçekî qisey kerd. Çîçekî qiseykerdişê xo de bale ant vatişê sey ‘Ocalan do avûkatê xo reyde pêvînayîşan bikero’ ser û da zanayene ke ê do heta ke gamî yenî eştene, çalakîya xo bidomnî.
Dayîkanê ke domanê înan grevê vêşanîye û rojeyê mergî de yî, veng da Serekkomar û Wezîrê Edaletî ke wa tecrîd bêro wedarnayene û waştişê çalakwanan bêro qebulkerdene. Çalakîye bi çepik û siloganan qedîyaye.
PÎRHA/DÊRSIM