Beno ke weyra de bî
Maya Turgay Gîrçekî ke 16 çile de ame qetilkerdiş, Makbule Gîrçek ciresna ke her çend ke Sûr de pêrodayîş peynî bî zî ma nêşîna cenazeyê domanê xo bigîrî û wina verdewam kerd: “Ma roja ke domanê min ame qetilkerdişî ra naşt çalakîya ronîştîşî de yî û heta nika ma ti encam nêgirewto. Hemserê min wêneyê ke aydê kesê ke ameyî qetilkerdişî ra ewnîyaybi la semedê ke rîyê înan nêameynê şinasnayîş, teşhîs nêkerdbi. Ma nêzanî ka domanê min zî te de yo an nê. Beno ke cenazeyê domanê min mîyanê xirabeyê ke yenî kiriştişî de bibo. Qedexe wedarîya la dormegirewtiş dom keno, ma wazenî domanê xo bigîrî. Heta ke ma cenazeyê xo nêgirî ma çalakîya xo ra fek veranêdanî.”
Qet nînê şinasyayiş
Merdima Ramazan Ogutî ke 30’ê kanûne de ame qetilkerdiş, Remzîye Solak zî ard ziwan ke cenazeyî Sûrî ra ameyî vetiş la malbatan rê nêameyî dayîş û wina vat: “Ma nê 4 aşmî ke nobet de yî la ma hema zî cenazeyê Ramazanî nêgirewto. No merdimîye nîyo wehşetêkî yo. Merdimî hem keyeyanê xo ra û hem zî domananê xo ra dûrî mendî. Ma cenazeyê ke Sûr ra ameyî ra ewnîyayî la cenazeyê Ramazanî tede çinêbi. Cenazeyê ke ameyî girewtiş nînî şinasnayîş. Domanî yenî kiştiş û anî nêweşxane la nêdanî malbatan. Vanî Sûr de qedexe wedaryayo la nêverdanî ke ma bidekewî. Heta ke cenazeyê domananê ma nêdî ma çalakîya xo ra fek veranêdanî.”
JINHA/AMED