Di Tirkîyaye de heqê merdimatî ser Pwt. Eren Keskîn vat ke di na hewteye de hema zî dewleta tirk pirsgirêkê xo gird çareser nêkerdo, her kes zî zanena ke hewna na hewte di Kurdistan û Tirkîyaye de nêheqîyan reyde bivîyaro û wina vat: “Ganîyo ke dewleta tirk xêzê sûrî xo di na hewteye de nîqaş bikerî. Eke dewleta tirk heme xete û pirsgirêkê xo reyde rîbirî nêro se qet nêeşkeno pirsgirêkan tam wateye de çareser bikero. Dewleta tirk xobixo ser terteleye înşa kerda. No ser zî dewleta tirk şarê nê misliman hetanê nika her tim qetil kerd.”
Terteleyê Dersimê
Keskîn destnîşan kerd ke ê dewleta tirk ra behs kenî û dewleta tirk dewleta ke zilimkar û qirkerdoxa û heme nê polîtîkayê xo leyminî di Kurdistane de hema zî domnena û wina dewam kerd: “Dewleta tirk qet nêwaşt pirsgirikê kurd çareser bikero û no ser zî her tim ser kurdan polîtîkayê xo leyminî şuxulna. Terteleyê Dêrsime no ser ame kerdiş. Di rewşa cenîyan de zî dewleta eynî polîtîkayê şuxulna. Belkî huqûqê nuştişê de bedinayişan yena kerdiş zî la belê hema zî rewşa cenîyan wahîm o. Di kiştişê cenîyan de Tirkîya rewşa ke yewin de ya. Hewna şerekê dewleta tirk di Kurdistanî de şuxulna, no ser di zaf hûmarîy de kesî welata xo ra koç kerdî ya zî bi zorî amey sirgûnkerdiş.”
Rewşa Ocalan
Keskîn aşkera kerd ke eke dewleta tirk bi Rayverê Şarê Kurd Abdullah Ocalan muzakereyan wazeno se aver bero ganî rewşa Rayverê Şarê Kurd Abdullah Ocalan bêro weşkerdiş û di het zî eynî rewşe de pêvînayişê xo bidomnî, wa PKK zî di mîyanê no muzakereyî de cayê xo bigêro.
Hewna sekterê ÎHDa Stenbole Zeynep Ceren Boztoprak zî ciresna ke têkoşîna heqê merdimatî boyutê sîyasî zî est o, bi têkoşîna ÎHDe di warê sîyasetî de heme babetan ser ame qisekerdiş û ÎHD her tim mîsyonê xo bidomno.
MÎZGÎN TABU/JINHA /STENBOL