Celladê Dêrsîm CHP, wazena ke reyna Kurdê Elewî û Sunî lete bikero.

No weçînayîş de serbikewro.
Bi na hîlekarî Dêrsîm de celladiyê xo dewam bikero.
La tarîxê Kurdistanê de Kurdê Elewî û Kurdê sunnî zê yew can  zê yew beden bîyo.
Nimûne nayê Seyîd Riza û Şêx Abdurrahîmê birayê Şêx Seîd o.
Dêrsîm û Kurdê Êlewî, Pîrê Pîran Seyîd Riza.
Pîranê Amed û Kurdê Sunnî, Şêxê Şêxan Şêx Abdurrahîm.
Di hevalê Kurdistan, di şêrê Kurdistan, di şehîdê Kurdistan.
Ser 1937.
Ca Dêrsîm.
Seyîd Riza,Elî Şêr, Besê û Zarîfe mil dawo yew bîn nêvanî ax û wax, ver dişmenê Romî şer kenî.
Besê vana, “Şêr şêro çi cinî û çi camêrd”.
Hem şer kenî û hem hawar kenî.
Qet cayek ra veng nêvejîyeno. Yew nêşino hawarê Seyîd Riza û Dêrsîm.
La yew esto, cayê durî do. Binxettê de yanî Rojavayê Kurdistanê de yo.
Name eyê Şêx Abdurrahîm o. Birayê qijkek yê Şêx Seîd o.
Wextê Serhildanê Şêx Seîd de fermandarê hetê Madên û Pîran o.
Zaf bi cesaret o, zaf şerker o, bê têrs o. Fermandarek gird o.
Seba nayê Şarê Kird(Kurd) Şêx Abdurrahîm ra vano, “Şêrê Pîran”
Şêx Abdurrahîm, Serhildanê Şêx Seîd û dima ra sere koyan re nêyeno war.
Koyê Serhet û Kurdistanê de hemver dewleta Tirk şer keno.
Ver nayê dewleta Tirk vana, “Kam ke, Şêx Abdurrahîm bikişo û gerê eyê bikero, ez pere û xelat dana înan”
Şêx Abdurrahîm tam 12 sere ser koyan maneno. Şerê gerîlla ramneno.
Derbasê Rojavayê Kurdistan yanî binxet zî beno.
Wexto ke, qirkerdişê Dêrsîm destpêkeno, o wext Rojavayê Kurdistanê de yo.
Seyî şinaweno ke, Dêrsîm de qirkerdiş beno, wirzeno hevalanê xo yê çek geno kiştê xo û pîya kewnê ser rayîrê Dêrsîm. Şinê hawarê Seyîd Riza, Elî Şêr, Besê û Zarîfê.
Binxettê re derbasê serxet yanî derbasê Bakurê Kurdistan benî.
Xayîn û gerekar kewnê înan dima. Xeberê dewleta Tirk, înan ra bena.
Bê hewne manenê, veşan û teyşan manenê, rencan benê.
Resenê Deşta Perxanê yê Bismila Amedê.
Xayîn û gerekar kewnê înan  dima û gerê înan kenî.
Tarîxe 20 Temmûz 1937 de dişmen dormê înan geno.  Adir nane(tafîşnenê) genim ra. Şêx Abdurrahîm û 10 hevalê eyê mîyanê adir de manenê. Dişmen dima ra pê tifingan êrîş keno ser Şêx Abdurrahîm înan. 11 Egîdên Kurdistanê u ca de gan danê.
Şêx Abdurrahîm û 10 hevalê eyê benî sembolê yewîyê şarê Kurd û Kurdistan.
Ziyar û mezelê înan hona Çemê Salat yê Bismil de.
Kam beno wa bibo, eger rayîrê yew Kurdistanij kewtê Bismil, wa bizana ke ziyar û mezelê Şêx Abdurrahîm înan bayîyê înana.