Vîrusê Koronayî yo ke aşma kanûne de şaristanê Wuhanî yê Çînî de vejîya werte pêro Dinya de vila beno. Rêxistina Weşîye ya Dinya (WHO) derheqê vilabîyayîşê vîrusî de tersa xo pare kerd. Pêroyina Dinya de 2 mîlyonê kesê no vîrûsî ra kewtê û 188 welatan pê vîrusî kewtê. Hetê hûmara nêweşan ra Amerîka rêza yewine de ya. Îtalya, Spanya, Çîn, Almanya, Fransa de Îran, Brîtanya û Tirkîya de bi sehezaran kesê Koronayî ra kewtê. Nêwaşxaneyê Hewlêrî bi beyanatêk aşkere kerd ke nêwaşxaneyê înan de 18 kesê ke bi nêweşîya vîrusê korona kewtbî, pêro weş bîyê û test û kontrolanê peyênan ra dima erşawîyayê keyeyanê xo. Beyanat de hemwelatîyan ra ame waştiş ke wa tedbîranê xo bigîrê, keyeyanê xo ra nêvejyê teber û bi no qayde peynî de serbikewê. AMED