Fermandar Serhed ciresna ke YPS dûstê hêrişê Tirkîya ameya awankerdiş û wina vat: “Dûstê zilmê AKP, YPS qûweta pawitişî ya. Ez awanbîyîş û xoverdayîşê YPS silam kena. Ma bawer kenî ke şarê vakurî bi paştîdayîşê heme Kurdistanijan do serkewt bibo.
Pawitişê Vakûr gameke gird a
Ez semedê awankerdişê Yewîneya Pawitişî yê Sîvîlan (YPS) ciwanê kurdan fîraz kena. Ez semedê heme malbatê şehîdan serweşî wazena. Pawitişê Vakûrî gameke gird a. Wexto ke merdim nê hêzan ra ewnîyeno omidê merdimî gird beno. Awankerdişê hêzê pawitişî do hem paştîya dişmenî bişikno hem zî paştîdayîşêko gird bido şarî.”
Gune YPS-Jin xo girdêr bikero
Fermandar Serhed dergeyîya qalîkerdişê xo de bal ant ser xoverdayîşê cenîyan û wina vat: “Dewleta Tirkîya tewr zaf hêrişê cenîyan kena û ger ke cenîyî beşdarê xoverdayîşî nêbî se dewlete zana ke eşkena îradeya şarî bişikna. No semedî ra gune Yewîyeya Pawitişê Sîvîl a Cenîyan (YPS-Cenî) têkoşînê xo hîna girdêr bimeşno. Erdogan wazeno şarê Kurdî bêkamî, bêziwan û bêîrade verado, la şarê Kurdî do hewnê ci xira bika û têkoşîn bida.”
JINHA/TIL TEMIR