Di 13’ê Nîsana 2013’an de Navenda Saziya Zimanê Kurdî (SZK) li bajarokê Rimêlan hate vekirin. Navendê ji wê demê ve dest bi perwerdeya zimanê Kurdî kiriye û di navenda SZK’ê de bi sedan şêniyên ji hemû pêkhateyên bajêr bi malbat cihê xwe di nava dewreyên zimanê Kurdî de digirin û fêrî zimanê Kurdî dibin. Di nava kesên ku xwe fêrî Kurdî dikin de kesên 60 salî jî hene.

Heta niha di wê navendê de 9 dewreyên zimanê Kurdî hatine vekirin û ev dewre ji hemû pêkhateyên bajêr pêk tên û tevlîbûna kesên ereb zêde ye.  Têkildarî mijar Endazyar Ebdulkerîm El-Hesen ku yek ji kesên bi eslê xwe erebe û xwe fêrî zimanê Kurdî dike, diyar kir ku di nava Kurd û ereban de çarenûseke hevbeş heye. El-Hesen, da zanîn ku armanca wî ji fêrbûna zimanê Kurdî ew e ku bêtir dîroka Kurdan nasbike. Mamosteya Zimanê Kurdî Evîn Fermed, jî ji bo vekirina saziya zimanê Kurdî li Rimêlan û fêrbûna şêniyên ereb a zimanê Kurdî keyfxweşiya xwe nîşan da. 

GIRKÊ LEGÊ