Ji bo civîna Hewlêr ku xwedî wateyeka amadekariyên Konferansa Netewî ya Kurd heyeta ji nûnerên partiyên siyasî û rêxistinên civaka sivîl pêktên ên Bakûrê Kurdistanê derbasî Hewlerê bûn. Konferansa ku Rêberê Gelê Kurd Abdullah Ocalan pêşniyar kirî û Serokê Herêma Federal a Başûrê Kurdistanê Mesûd Barzanî jî ji bo civîna weke amadekariya pêş Konferansa Netewî ya Kurd bang kiribû, doh li Hewlêrê dest pê kir. Ji bo civînê ji Bakûrê Kurdistanê nûnerên ji partiyên siyasî û rêxistinên civaka sivîl ên 21 kesan pêktê, derbasî Başûrê Kurdistanê Hewlêrê bûn.
Nûnerê partî û saziyan amade ne
Di heyetê de di nav de Hevserokê Kongreya Civaka Demokratîk (KCD) Ahmed Turk û Hevserokê Partiya Aştî û Demokrasiyê (BDP) Selahedîn Demîrtaş jî heye, navê kesên di heyetê de wiha ye: Hevserokê KCD’ê Ahmed Turk, Hevserokê BDP’ê Selahedîn Demîrtaş, Parlementera BDP’ê Mulkiye Bîrtane, Serokê Giştî yê Partiya Demokrata Beşdar (KADEP) Lutfî Baksî, Serokê Giştî yê Komeleya Çanda Demokratîk ya Şoreşger (DDKD) Îmam Taşçier, ji Buroya Hiqûqê ya Sedsalê Parêzer Mazlûm Dînç, Nûrhayat Altûn, Tevgera Jinên Azad ya Demokratîk (DOKH) Meryem Adibellî, Fîgen Ektî, Komeleya Piştevanî û AlîkariyaBi Malbatên Xizmên Xwe Windakirî yên Mezopotamyayê (MEYA-DER), Leyla Ayaz, ji Konfederasyonên Sendîkayên Kedkar yên Gelemperiyê (KESK) Kasim Bîrtek, Serokê Giştî yê Partiya Azadî û Sosyalîzmê Sînan Çîftyurek, Alîkarê Serokê Baroya Amedê Nîhat Eren, Koordînatorê Giştî yê Înîsiyatîfa Azadî Adem Ozcaner, ji Tevgera Îslamî Fikrî Bozkûrt, ji Koma Diyaloga Dîcle Firat Nesîmî Çîmen, ji Platforma Demokrasiyê ya Kurd Sertaç Bucak, Serokê Şaxa Amedê ya Komeleya Mafê Mirovan (ÎHD) Racî Bîlîcî, ji Kongreya Civaka Demokratîk Mehmet Baysal, Ezîze Abîş û Salîhe Aydenîz.
Ji çar parçeyan beşdarî
Li gel partî û rêxistinên Bakûrê Kurdistanê ji Rojavayê Kurdistanê jî nûnerên Partiya Yeketiya Demokratîk (PYP) û Eniya Niştîmanî ya Kurdên li Sûriyeyê (ENKS) ji Rojhilatê Kurdistanê; Partiya Jiyana Azada Kurdistanê (PJAK), Komeleya Zehmetkêşanî Kurdistan, Partiya Demokrata Kurdistana Îranê (PDK-Î), Komeleya Şoreşgeran û PAK û Komeleya Îran, ji Başûrê Kurdistanê Partiya Demokrata Kurdistanê (PDK), Yeketiya Niştîmaniya Kurdistanê (YNK), Tevgera Goran, Partiya Çareseriya Demokratîk ya Kurdistanê (PÇDK), Yekgirtûyî Îslamî, Komeleya Îslamî, Bizotnewey Îslamî, Hizbî Sosyalîst, Hizbî Zehmetkêşanî Kurdistan, Hizbî Şûî, Yeketiya Netewên Demokratîk ên Kurdistanê û Hizba Ayende jî di nav de ji çar parçeyan çav lê ye gelek nûnerên rêxistinên civaka sivîl tevlî bibin.
HEWLÊR