Dêrsim de 2 hewte ra zêde yo ke şewatê daristanan dewam keno û heta nikka daristan û xeylê gandarê ke mîyanê daristanî de cuyenî, zirar dîyî. Yewîya Ekolojîyî ke 56 rêxistinan ra pê yena, derheqê netîceyê şewatî de melumatî dayî.
Yewîya Ekolojîyî dîyar kerde ke dezgeyê dewlete mudaxaleyê şewatan nêkerdî û tayê cayan de dewijî mecbûr mendî ke dewanê xo biteriknî. Yewîye daye zanayene ke sebebê şewatan operasyonê leşkerî yî û wina domnaye: “Şewat bi hewldayîşê zerrîwaştoxan 2 rojî verê ame hewna kerdene. Labelê bîlançoya şewatî zaf giran a. Netîceyê şewatî de pêro pîya hezar û 500 dolim daristan veşayo û bîyo wel.”
Netîceyê şewatan de xeylê tewirê gandarî zî çinî bîyî. Serekê Baroya Dêrsimî Bariş Yildirimî zî va ‘tena zerrîwaştoxî mudaxaleyê şewatî kerdî’ û wina dewam kerd: “Netîceyê şewatan de 1800 tewirî gandarî zirar dîyî. Ma Mudurîya Pêroyî ya Daristananî ra bi hawayo nuştekî waşt ke wa hewa ra mudaxaleyê şewatî bikerî. Labelê ma ti netîce nêgirewt. Ma do nêyî taqîb bikerî.”
PÎRHA / STENBOL