Çalakîya ke her roje Caddeyê Yukselî de virazîyena, dewam kerde. Çalakîya ke bi siloganê ‘Ma karê xo tepîya wazenî’ roja 275. de dewam kerd. Çalakvanî waştî vernîya Abîdeya Heqê Merdiman de îzehet bidî, labelê raştê mudaxaleyê polîsan ameyî.
Rûmetê ma yî
Polîsan vera çalakvanê ke emrê înan 60î ra zêde bî de şîddet xebetna û vatişê ‘Ganî şima hedê xo bizanî’ vatî. Çalakvanan ra Ayşe Arapgîrlîye va ‘Ma do tim vajî Nurîye û Semîh. Ewro roja 155. ya çalakîya înan a. Dewlete hewl dana înan qetil bikera. Ê tena karê xo tepîya wazenî û bi sehezaran kesan rê bîyî omid. Ma zî do vengê înan biresnî heme ca. Nurîye û Semîh rûmetê ma yî.”
ŞÛJIN/ANQARA