Verba çeteyê DAIŞe 15 êlule ra nika di kantona Kobanê de hêzê YPG/YPJ têkoşîna bê hempa danî. Çeteyê DAIŞe Kobanê ra seba terteleyê kerdiş rê hêriş kerdî la nê çeteyan verba xo hêzê Kobanê dîy. Nika hêzê Kobanê çeteyê DAIŞe Kobanê ra pakkerdiş rê destpê operasyonê pankî kerdî. Hetanê hêzê YPG/YPJ di zaf hûmarîy de nuqteyê stratejîk çeteyan ra pak kerdî.
Ma vîn neday
Di demo nêzdî de hêzê YPG/YPJ Mektaba Reşî azad kerd. Di no operasyonê de fermandarê YPGe Agît Halep zî ca girewt. Ser operasyonê fermandarê YPGe Agît Halep vat ke di çepera vaşûrê rojhîlatê Kobanê de Raşteyê Azadîyî çeteyê DAIŞ ra xelisnay û na aşmake zî verba çeteyê DAIŞe operasyonê xo hîna gird kerdî û wina vat: “Ma operasyonê bi merheleyî domnenî. Ma sifteyin Dibistana Reşî azad kerd. Çeteyê DAIŞe dibistanê ra bombebarkerdbî, ma di operasyonî de vîn nêday û ma dibistanê pak kerd.”
Operasyonê pankî
Halep aşkera kerd ke di çarçiweya operasyonê vaşûrê rojhîlatê Kobanê de nêzdî 1 kîlometre warê pak kerdî û wina dewam kerd: “Çarçiweya operasyonê di zaf hûmarîy de nuqteyê destê çetey ra pak kerdî. Taybetê vînê çeteyan zaf o. Çeteyan wazenê averşîyîşê ma bi hêrişê întîhar û suîkatî asteng bikerî.”Halep bal ont ser di şerî de zehmetîyan û no dergî da qise xo: “Ma do bi biryarê çeteyê DAIŞe Kobanê ra pak bikerî. Çimkî armancê ma pawiyayişê pergal û şarê yo. Peynîya operasyonê do ê hîna weş verba çeteyê DAIŞe têkoşîn bidî. Înşallah do ma şarê xo ra mizgînîya ke weş bidî û do Kobanê destê çeteyê DAIŞe ra azad bibo.”
ÇAGDAŞ KAPLAN - MEHMET ZEKÎ ÇÎÇEK/KOBANÊ