Bi aşmano ke çeteyê DAIŞê ser Şengal û Kobanêyê hêriş kenî û nê hêrişê çeteyan hîkayeya di birayê yewnan ra resna. Nifûsê di bira Firat û Mevlan Sag şaristnaneka Altinovaya Mûşî ra qeydî yo. Nê di bira verba çeteyê DAIŞê Şengal û Kobanê de xoverodayişekê dîrokî day û nê xoverodayişê di birayan têkoşîna kurdan ra zey yew cewherî yo. Malbatê Sag peynîya qirkerdişê Vartînîsê, Altinovaya Muşî ra koçê Stenbolê kerd. Verba no qirkerdişê di lajê Sagî waştê têkoşîn bidê. Mevlan Sag (21) di Kobanê Firat Sag zî Şengalî de destpê têkoşînê kerd.

ŞENGAL Û KOBANÊ
Firat hema zî di Şengalî de verba çeteyê DAIŞî têkoşîn dano la belê kekoyê Firatî, Mevlan di şewê 12 citmengî çeperî de şehîd kewt. Pîyê înan Mazhar Sag zî hesîyake lajê ey şehîd kewto û no ser zî seba girewtişê cenazeyê şî Rihayê la belê no yew hewteyo ke malbatê ra cenazeyê lajê înan nîno teslîm kerdiş û seba teslîm nêkerdişî ser zî şenber yew semed nîno mojnayiş. Mazhar Sag cezayê lajê xo tespît kerd la belê dozgerî hema zî nêdayişê cenazeyê ser têkoşîn dana. Mazhar Sag zî di verê morgî de vindertiş ra fek verada û şî ser sînorê çalakîyê Kobanê rê beşdar bi.
Xoverodayişê Kobanê ser Mazhar Sag vat ke Mevlan tena lajê ey nîyo, lajê heme şarê kurd o û wina vat: “Ez şaxsî xo de şarê kurd veynena û no ser zî beşdar çalakîyê Kobanê bena. Wa şarê kurd verba çeteyê DAIŞê wardê pay. Dewleta tirk nê sey serro ke ma xapinena û vana; ma birayê yewnan ê la belê nika çeteyê DAIŞê ser kurdan eşrewena.”

DO KOBANÊ NÊKEWO
Sag aşkera kerd ke DAIŞ qet do sernêkewo û wina dewam kerd: “Lajê min hîna şehîd nêkewtbi min ey reyde qise kerd. Lajê min, min ra vat ke do hetanê ma têkoşîn bidê, ma bimrê la Kobanê nêkewo. Ez bawera peynîya Tayyîp, zey peynî Saddamî bibo. Domanê ey nika di Ewropayan de wanenê la belê domanê kurd nika çeperan de verba DAIŞê têkoşîn danê. Her kes zanena ke AKP û dewleta tirk pîya DAIŞ ra hetkarî danê. Qetilkarê domanê kurd tena çeteyê DAIŞ nîyê, di eynî şeklî de dewleta tirk qetilkarê domanê kurdan o.”

TÊKOŞÎN RA DEWAM

Sag bal ont ser xoverodayişê hêzê YPG/YPJî û wina peynî kerd: “Di heremê Tîlşeîrî de verba çeteyê DAIŞî hêzê YPG/YPJî têkoşînake bi destanê danê û do nê têkoşîna hêzê kurd dîrokî ra zey destanî biyaro. Do rojê yewşeme teslîmkerdişê lajê min dîyar bibo. Ez zî zey şarê xo di ser sînorî de nobedê xo bitepişa û çimkî ma heme parçeya xoverodayişê Kobanê yê.”

RIHA - DÎHA