Qerarê ardenê doman cenî danê
Dime ra kî Wezirî Weşiye Recep Aktag kî eynî qeseyan ard zon û vat: çixaş qûwetami esta virniya sezeryana doman ardene bicerîn. Verra nî qeseyanê zîhniyetê camerdî cenî hersê xo anê zon.Yeno vatene ke ceniyan hedef guretena wazene nufusa xo jede bikerê. Wan de kî ceniyan ard zon ke na nejdî biyayena Erdogan û hukumatê AKP qebûl nêkeme.
Aktîvîsta KJA Rojbîn Bor vat: “Endî oda cenîyan kî qesey kenê. Haqa înan nayê rê çîna.Her ca de verra nayê erzemê xover. Cenî çond doman ana qerarê nayê ke bi xo danê.
Cenî makîneyê doman ardene nîyê
Aktîvîsta Komela Ceniyan ê Wan Serap Ozunver ard zon ke wazene ceniyan bicerê binê bandora xo. Erdogan bi qeseyanê xo ya verra ceniyanê Misliman nêqiyan jedeneno. Ozunver veng da ceniyan ke verra nî haqaretan tekoşîne biderîme.Sosyolog Zozan Karaoglan kî hayr ont demê AKP de verra ceniyan şîddet ser û vat: “Zîhniyetê hukumat ceniyan her tim taloke vînena. Nî qeseyê Serokomar lesa ceniyan rê serestisî. Her ca de gunê pêro cenî verra nayê bivejiye.Ceniyan ra Selma Aydin kî verra polîtîkayanê AKP-Erdogan hersê xo ard zon û vat: “Cenî makîneyê doman ardene nîye. Ez gorê wastena xo doman ana ya kî nîana.“
JINHA/WAN