‘Hîva Zerî’

“Hîva Zerî” ra avê 2 albûmê Cemîl vejayî. “Aşk-i Pervaz” û “Heya”
Namê xo sero wo, malbata Cemîl Qoçgîrî ra ama. Cemîl bi xo suka Almanya Duîsburg de amo dîna. 12 serrî de zî dest bi cinitena temburî kerdo.
Çiqas ke Almanya de amo dîna, bi sitê Qoçgîrî gojbiyo Cemîl.
Waxtoke temburê xo dano piro, mordemî peyser beno domoniya mordemî.
Seda temburê xo henenake, sawoke mordem dewa xo de  se serre avê jû cem dero. O sitoke Cemîl pê gojbiyo, hona beçikanê Cemîl dero, tey lîfdano.
Mordem hen zonenoke no xort Almanya de dîna nêamo, Qoçgîrî de amo dîna, Alîşer û Zarîfe Xanime de verva zulmê dewleta tirkî dopêro. Coka na seda û na sewda hona royê Cemîl de fetelînê.
Jû xort çiqa honde rew reseno, beno kamil, mi famnêkerd.
No jû goynayîs niyo. Ez raştke niya sêzut ken.
Kesoke îtîqatê xo pê mi nîno, gune reye albumê Cemîl gosdo. Mordêmdeke a gonî nêbo, nêşîkîno niya muzîk virazo.
Cemîl “Hîva Zerî” de rindekiya kurdan arda pêser. Dersîm, Xarpêt, Qoçgîrî, Konya û Malatya ra çekuyî guretê, ro do ci, vengê zeriya xo do ci.
Lewê lawikanê anonîm de lawikê newe zî albûmê Cemîl “Hîva Zerî” de ca cenê.
Mîkaîl Aslan ra “Xatirê Raye”, Alî Erel ra “Gewrê” Adem Karakoç ra “Vîrardîşê Waşta” û Kamer Söylemez ra “Canê Canê” album de cayê xo vînenê.
Cemîl albumê xo de lawikê kanî û neweyî ardê têhet. Bi na tore zî xîtabê gosanê herkesî keno. Hama Cemîl bi muzîkê xo, bi enstrumanan lawikê kanî kerdê newe, dano gosdayene.
Albûm de lawika herema Qoçgîrî “Hîva Zerî” vejîna ver. Lawike niyar a:
Ruyê te ya hîva zerî/Li alemê tevdigerî/Zöre tu wer pir rindikî/Herkes li du te digerî.
Beroşa dest Zöre tijî/Giran here av dirijî/Zöre tu xwe pir li ba meke/Herkes tera pir dibîne.
Çiya yê Moran bilinde/Hêla xwe jêrîn gunde/Zöre îro ji min hezkir/Ruyê min çiqa pir rinde
Albumê Cemîl Almanya de “Dest Muzîk” de, Tirkiye de “Ahenk Muzîk” de vejiyo.
Mordem na albûm gune gosdo. Kesoke wazeno albûm biherîno, şîkîno na maîl ser Cemîl ra biwazo. cemil qocgiri (qocgiricemil@gmail.com)