Nayê rojan de rîyê sîya yê tayî lişînan vejîyeno werti.

Nata danê, wete danê, la rastiyê înan nêyena nimitiş. Reyna nêşermayenê, Kurdê welatparêz ra zotan kenî. Kufir kenî.
Nê vanî exlaq esto, nê vanî ar esto. Çermê rîyê înan zaf qayîmo-pêt-. Hina qayîmo-pêt- ke, ze çermê xoziyo.
Hem bi dişmenê Kurdan, dewleta Tirk ra pîya êrîşê Kurdê Rojava kenî. Hem zî ser nayê propagandayê şerê teybet kenî.
Ser ra zî, Kurdê Rojava, PYD, Tevdem û Meclîsê Şarê Rojavayê Kurdîstan sucdar nêşandanî.
Ayê ke hina kenî, pêronê înan Hewler de niştî rû, otelê û sarayan de hewn kenî û ciwîyenî.
Kurdê welatparêz ayê ke, seba Rojavayê Kurdîstan şer kenî, malê xo danê,  canê xo danê, înan ra heqeret kenî.
Ayê ke ma ser înan qisê kenî, PDK û hetkarê PDK’yê. Medyayê înana.
Derheqê nayê rî sîyayan de, http://lekolin.org/ de di belge vejîyê. Her di belgeyan de zelala ke, PDK û medyayê PDK ze Rûdaw û Zagros TV, dewleta Tirk ra şîrikî kenî.
Wexto ke her di belge vejîyê werti, medyayê PDK xît û har bîya.  Rebwar Kerîm destpêkerdo zotan keno, kufir kenî. Aqil ser re eyê ra perrayo. Hina bîyo ke, ti vana nika bi teqo. Gej bîyo dor û verê xo ra gereno. Wa bigero, ê zaf bigero.
Seba rêxistin û însanê hina ra verênanê ma qisê zaf bi aqil kerdê. Verênan ma hina vato:
Ez nayê vatişan ra çend hewî rêz kena.
"Homa kesî-çewî-şaş nêko, şaş biko zî kaş nêko, wa kaş biko zî fehş nêko…."
"Hine ke qariyo, vana nika teqeno".
"Însan çi banco, fekê xo ra anceno"
"Însanê ke xo nêzana, se vana vace".
"Çi bîyero ser însan, ziwanê însanê ra yeno".
"Kam ke seyîno-çiturîyo, şar zaneno".
"Kutika de weno, verga de zureno".
"Luye tuka xo vurnena, xu yo xo nê vurnena".
"Pêre, pêre, pêre, fek de pêre, qina de pêre, sare de pêre".
Halê PDK û medyayê PDK ze Rudaw û Zagros TV hina yo.
Şarê Rojava yê Kurdîstan, na raştîyê PDK û medyayê PDK weş zano.
Şarê Rojava, PDK û medyayê PDK goştarî nîkeno, tekoşînê xo keno, gonîyê xo dano û canê xo dano.
Hina Rojavayê Kurdîstan paweno.
Seba zê raştîya Şarê Rojavayê Kurdîstan zî, verênan ma hina zaf qisêyê weş û rindek kerdê û hina vato.
"Tayî male xo ra, tayî canê xo ra danê".
"Weş bo, wa pê hewt koya de bo".
"Raştê pûç nêbena".
Camêrd yew rey mireno, tersonik her roj mireno.
"Zehmek ke çîno be, qimet ke çîno".
Şarê Rojaveyê Kurdîstan, zê nayê vatişê verênan yanî baw û kalê xo keno.
Canê xo dano, malê xo dano, bi egîdî şehît beno, zehmet ancano û hina welatê xo paweno.