102 dew û dewokanê Licê, Hênê, Pîran û Karaz yê Amedî de qedexe yo ke 28ê Gulane de ame îlankerdiş bi hawayê fîîlî rameno. Pirodayîşan de 12 lejkerî ameyê kiştiş.
Xêlê mintiqayanê qezayanê Amedî de 28ê Gulane ra na het operasyonê lejkerî rameno. Çarçoveyê operasyonî de des hezar ra vêşî lejker û qoricî neqlê mintiqa bî. Lejker û qoriciyan eştî ser xeylê dewan ser û vengkerdişê dewan ferz kerdî. Bi tehdît û zextan lejkeran waştî ke dewijî cayanê xo terk bikerê. Dew û dewokan de qedexe hona zî rameno. Vizêr seatanê şodir ra vengê tifingan berz bi û cayanê koyî de topî amey eştiş. Herzewbîn dekewtiş û vetişê dewan hetê lejkeranê tirk ameyo girewtiş.
HPG ra derbeya giran
Heto bîn ra, Navendê Îrtîbat û Çapemenî yê HPG ke derheqê operasyonê Amedî de zanayîşî da û aşkere kerd ke pirodayîşan de 12 lejkerî ameyê kiştiş. HPG da zonayîş ke mintiqaya Şehît Rojhat de 10 lejkerî ameyê kiştiş û bi desanê ci zî bîyê dirbetin. 6 helîkopteranê skorsky merdey û dirbetinan hewada yo. Eynî roj dewa Hênê Şelê de zî 2 lejkerî ameyê kiştiş û 4ê ci zî bîyê dirbetin.
No mabên de HPG bi îzahatêke da zonayîş ke hêlîkopter o ke 31ê Gulane de Qileban a Şirnex de mintiqaya Sêgirkê de gina war, hetê quwetanê gerîlayan, netîceyê çalakî de ameyo vistiş. 13 fermandar û lejkerê ke mîyanê hêlîkopterî de bî merdî.
AMED