4ê kanûne de nizdîyê qezaya Bazîdî ya Agirî de ekîbê Îranî ke 7 kesan ra pê ameyêne, raştê hêrişêk amebî. Netîceyê hêrişî de leşkerêk merdbî, 1 leşker û 2 muhendîsî zî birîndar bîybî. Çapemenîya tirke vatbî ‘PKKyî hêriş kerd’. Babete ser o Merkezê Çapemenîya HPGyî vato ‘ma hêriş ra dima tehqîqatêko hîra dayo destpêkerdiş’ û wina dewam kerdo: “Eynî roje yewîya ma ya gerîlayan vera leşkeranê tirkî de çalakîyêk viraşta. Netîceyê çalakîye de 7 leşkerê tirkî merdbî û wesayîtêka zirxin zî ameya îmhakerdiş. Leşkerê tirkî zî sey mîsîlleme hêrişê ekîbê îranijî kerdî. Netîceyê tehqîqatî de ma fam kerdo ke hêriş hetê leşkeranê tirkî ra ameyo kerdiş. Hêriş ra dima selahîyetdarî seba ke hêrişî binimînî, vatî ‘hetê Îranî ra gule panîya’ û waştî hêriş bierzî ser Tevgerê Azadîya Kurdî. Kurdistan de prosesê şerî yeno cuyayîş û no proses de melumatê tewr raştî hetê hereketê ma ra yeno dayîş.”
ANF/BEHDÎNAN