Girotxaneyê Tîpê D ê Amedî ra, 17’ê Gulane de 50 tepiştey sirgûnê girotxaneyê Xarpêt yê Hûmara 2în bibî. Tepişteyê ke berdî Xarpêt, a roj ra na het şert û mercanê zehmet de yenê tepiştiş. Kerdenê îşkenceyê serranê 1980’î ê girotxaneyê Amedî xo girotxaneyê Xarpêt de dibare kenê. Goreyê zonayîşan 20 ra jêde tepiştey hona hucreyekê yew kesî de yenê tepiştiş.
Tepişteyê ke bi malbatanê xo ra pêdîyayîş viraştî, behsê binlingkerdişê îxlalan kerdî. Îdareyê girotxaneyî tepişteyan nêvejneno cayê hewagirewtişî û bi hûmareke vêşêr hucreyhe yew kesî de yenê tepiştiş.
‘Heqê ma desteser kerdê’
Tepişteyan aşkere kerdî ke ê bi xespkerdiş û binlingkerdişê heqan ra rî bi rî yê û nê zonayîşan day: “Rojnameyê Rojeva Medya qet nêdanê, Rojnameyê Ozgurlukçu Demokrasî zî gegane danê ma. Werdişî zî wextê ci de nêdanê. Pêrokîn heqê ma yê civakî desteser kerdîyê. Ganî raya pêroyî û çormeyê demokratîk û saziyê heqê mordeman goş bidê vengdayîşê ma û bikerê hereket.
XARPÊT