Yeno zanayene ke qewetêy YPG/YPJ û Burkan El Firatî Girê Sipî azad kerd ra dima AKP zî bi armancê midaxaleya Cerablusî dekewt mîyanê hedreyeya herbî. Parlementerêy HDPî, nê hedreyeyanê AKPî nirxnay.
Dişmenatîya Enqereyî
Ertugrul Kurkçu ard ziwan ke, polîtîkayê teberî ke Erdogan û Davutogluyî Sûrîye de meşnenîy îflas kerdîy û tîfaqa ke Tirkîya, DYA û Qatarî reyde awankerdbî zî semeda ke sernêkewt eyro Sûrîye bîya hîrê parçe. Kurkçu wina vat: “Rojawan heqê tayînkerdişê qedera xo bi weçînayîşê xeta xoserî, hetê yewitîya Sûrîye de ca girewt. Tirkîya herinda ke xo verpirsiyarê rewşa ke Sûrîye tede de biveyno, xeta ke şarê kurd Rojawan de awan kerdo hedef gêno. No vindertiş di eslê xo de dişmenatîya kurdan mîyanê xo de hewêneno.”
Kurkçu dergeyîya qalîkerdişê xo de ard ziwan ke, polîtîkayê Enqereyî her tim bi sîndorkerdişê azadîya kurdan sero bi û wina dewam kerd: “Xora dijî Sûrîye û Rojawanî paştdayîşê Enqereyî ya semeda DAIŞî zî no îfade keno. Vatişê ‘çi beno wa bibo ma nêverdanî yew dewleta kurdan awan bibo’ yew vatişeke pûç û veng o. Rayedarîya xoser yê Rojawanî, dijî DAIŞî him şarê heremî û him zî şarê cîhanî paweno. No zî yeno manaya cirmê ey çi beno wa bibo ê ke DAIŞ reyde herb kenîy ra manîbîyayîş. No zî demoke nizd de do Tirkîya mîyanê şarê netewî de tecrît bikero.”
Letekerdişê kantonan
Kurkçu bal ant ser tifaqên ke Tirkîya vakûr, vaşûr, rojawan û rojhelat de dijî azadîya kurdan ronena ser û no hawa qalîkerdişê xo domna: “Encamê nê tifaqan bêxra rijîyayîşê gonî ra vîşêr ti manayeke cîya mîyanê xo de nêhewêneno. Heto bîn ra Tirkîya çi eşkena hewa ra çi zî bejayî ra Surîye sero operasyon bivirazo. Tenya destê Tirkîya de bi mêhnekerdişê DAIŞî kantonanê Rojawanî armanc bigîro maneno. No zî mîyanê rayedarîyê mîyanetewî de qebûl nêbeno do qebûl nêbo zî. Nê 20 serranê peynîyan de ma veynenî ke xetê Tirkîya yê Sûrîye bi nêvindertiş helênîy.”
DÎHA/ÎZMÎR