Şaredarîya Girde ya Stenbolî çarçiweya Roşanê 23ê Nîsane domanê ke keyeyanê xo de ra 100 hezar kolîya xela vila kerdê. Mabênê nê kolîyan de taybetî kitabê ke azadîya wijdan û dînî vejenî ver estê û nê kitaban ra yewe de resmê papaz hamam û pîrê elewî estbî. Weqfa ke nameyê xo Bektaşî, Elewî û Tirkmen nîşan dana serekê ci Ozdemîr Ozdemîr a û AKPî ra nêzd a bi îdiaya ‘erjîyayê şarî ra şenik visnenê’ dozgerî ra serpiro da. Waştişnameyê serpirodayişî wina ameyo nuştiş: “Elewîye, H.z Alî ra heskerdiş û nifşê ci ra şîyîşî ra yeno, elewîye de heskerdişê Ehl-î Beytî vejîyeno ver. Elewîye mezhebê dînê îslamî ya. No ser zî elewîye sey dînê îslamî ra cîya nîşandayiş rûmetî ra ma ra hêrişêk o.” Na weqîf bertekê elewîyan ant û na weqîf AKPî ra nêzd a. STENBOL