Eke no hewa çend aşmî no hewa şerê qirêjî dewam bikero se no hewa AKP û Tayyîp mezelê xo aşênena û kenenê. No warî de zî hem CHP û hem zî MHP wertaxê nê gayrî meşurê hukimatî yo. No hewa qet yew dinya de nêasîyayo ke yew merdim hukim bikero û dîktatoreya xo bêperwasiz dewam bikero. Hemverê nê gayrî meşrû hukimatî ra her kes verpirsîyar o.
Dewlet vernîya îspîyoncîyey akerd
Heme nê qirkerdişan ra ayo ke vano ez merdim a û her kes sûcdarê nê qirkerdişan o. Çimkî hemverê kurdan ra yew şero taybet û qirêj dest pê kerdo. Her rojê Homay nîyo ke nê hukiûmatê şerî û gayrî meşûrî hêrişê şarê kurd keno û qirkerdişan virazeno.
No hukimatê gayrî meşrû tam 83 wîlayetan ra genelge erşawito û nê genelge de vanê; polêsî hînê eşkenê ke heme kesî bikişê û qetil bikerê. Eynî wextî de zî rayîrê îspîyoncîyey akerdo û heme şarî dawetê îspîyocîyey kenê û peran reyde îtîbarê komelî şiknenê.
Cûntaya 12’ê Êlûle dime zî komelî mîyanî de rayîrê îspîyocîyey akerde bi. Mesela înan ke yew dewijê xo ra na zî merdimê û embazê xora hes nêkerdê înan îspîyon kerdê hema bi rewşa lezîy ra girotê binçiman îşkence kerdê û bi seran reyde zindanan de vindarnanê.
Ganî hukimatê gayrî meşûrî îstîfa bikero
No warî de bi en rewşa asanî ra ayo ke têkilîya ey rayvistişî ra çinêbî bîle vatê; nê merdimî M.Kemalî ra lengî çînay û hema bi lezî ra nê merdim kerdê zîndan û en taynî yew sere ceza daynê bide.
Eke ana dewam bikerê se labelê ana aseno ke hîne emrê hukimatê gayrî meşûrî nêmendo. Enkay ra yew fitîla şerê mîyanî dest pê kerdo û Erdogan nê fitîla şerê qirêjî hîna zaf adir keno. No adirê fitîla şerî zî bi verên ra AKP û Erdoganî veşneno. Naray hesabê şûraqaya AKP nêtepişt. Yew qala verêna esta vanê: “Maya to timo û time dilet nêana.” Heme şansê AKP qedîyayî. Yew yew weçînite mendo ganî hukimatê gayrî meşûrî îstîfa bikero û na zî biremo şêyro.
Îlankerdişê rayverîya xoserî vila bena
No qewimyayîşê Gelîyê Doskî çalakîya Qremar de hem qarîzmaya artişê tirk û hem zî pirnika Erdoganî xêze bîya ke û hînê artêşê tirk nêeşkenê ke cenazayanê xo bigîrê. Nay ra zî Erdogan nêşermayeno ke vano: “Eke şima 400 wekîlî bidanê se ana nêbîynê.” Yanî şerê qirêjî dest pê nêkerdê. Enka zî heme çapemenîya tirk û dinya nê çalakîya HPG qalî bena. AKP û Erdogan hînê nêeşkeno ke hesabê qewimîyayîşê Gelîyê Doskî bido. Yew weçînite Erdoganî mendo na îstîfa bikero hesab bido û na zî biremo hesilbo şêyro.
Şarê kurd zî bi rewşa xozayî ra xo pawitiş kenê û nê hewa pawitiş zî meşrû yew heq o. Kurdistanî de şarî sermîyanê xo weçînayî û wekîlê xo weçînayî. Kurdistanî de hînê heqê derfetê dewlete nêmendo. Hînê şar wazeno ke bi rewşa rayverîya xora xo îdare bikero û xo bipawo. Hukimato gayrî meşrû bi rewşa zorakî ra hînê nêeşkeno ke şarê kurd îdare bikero û nayra zî şarê kurd sero bi topan û tanqan reyde qirkerdiş wirazeno. Heremanê Kurdistanî zafî cayan de şarê kurd rayverîya xoserîya xo îlan kerda. Nê îlankerdişê rayverîya xoserî her roj tikêyna heremanê Kurdistanî ra vila bena. Labelê no warî ganî şar hemverê nê qirkerdişan ra û talanî ra wardo pay xoverodayîşê serehewanîşî bivirazo.
Zaf cayan de xoverodayîşî dest pê kerd û hera bî
No hewa yew heqo tebîî û xozayî yo. No warî de her kes eşkeno ke nê heqê xono xozayî bigurêno û hemverê qirkerdişan bigîro. No warî de heme kes amedijan ra xoverodayîşê serhildanî paweno. Verê verkan Şemzînan de, Cîzir de, Gimgim de, Nêsaybîn de, Farqîn de fitîla xoverodayîşî destpê kerd. Enka zî Sûrê Amedî de şarî fitîla xoverodayîşê serehewanayîşî dest pê kerdo û ganî heme şarê Amedî nê fitîla xoverodayîşê adirî berz bikero. Hînê wextê xoverodayîşî yo û serehewanayîşî yo. Dewlete sewbîna weçînite hînê nêverda yo.
Polîtîkayo AKPe ya newe îspîyonkerdiş
Enka zî qanûno ke AKP veto û no hewayê nê qanûnî ra her kes eşkeno ke her kesî îspîyon bikero û herûnda nê îspîyonî de peran bigîro. No hewa rewşe ra zî her kes her kesî ra hînê guman ra ewnêno. No hewa rewşa îspîyoncî ra hînê eşkenê ke rewşa komelî bêîtîbar bikerê û hînê wa yew yewî ra bawer nêkero.
No hewa rewşe zî hînê peynîya AKP û Erdoganî ya. Eke merdime bêçare bimano se heme tewr rewşa qirêjî virazeno. No warî de yew hetira zî hînê weçînita Erdoganî nêmendo. Eke nê heme rewşa qirêjî çiqas tepişt û nêtepişte. No hewa yew rewşe mîyanî de zî hînê îmkanê derfetê weçînayîşî nêmendo. Zatî AKP zî ana yew rewşa kaosî wazena.
No warî de zatî AKP eşkera eşkera vanê verê verkan asayîşê sindoqan û hema weçînayîş.
No hewa yew rewşe yena çi vate? AKP û Erdogan vanê ma bi rewşa zorakî nêbise zî ma her harûkalî de ancî zî nê gayrî meşrûtîya hukimatê xo en taynî yew serre tikêyna ra zî sindoqanê weçînayîşî hewayê rewşa dizdey ra rayan dekenê û bi tena benê hukimat û îqtîdar
ZAZA CEBELÎ