Wezîrîya Zîret û Heywankarî projeya ‘Goşto sûr yê ercan’ daybî destpêkerdiş û çarçewaya na proje de teberê welatî ra goşt yeno herînayîş. Herînayîşê goştî ra dima Tirkîya de rewşa heywankarîye her ke şono xirabe beno.
Tucar û qesabê ke taxa Bostanîçî ya qezaya Rayîrê Îpegî de manenî, qisey kerdî. Tucaran ra Tevfîk Yildizî va ‘goşto ke teberê welatî ra yeno herînayîş ver, ma nêşênî tîcaret bikerî’ û wina dewam kerd: “Zozanê ma qedexe kerdî û nika zî teberê welatî ra goşt herînenî. Wazenî heywankarî biqedênî.” Alî Ozhanî zî wina domna: “Ewro hukmatê karê heywankarî qedênayo.”
Fehîm Ateşî zî wina va: “Eke goşt teberê welatî ra bêro hêrinayîş, o wext kesê ke heywanan reyde mijul benî, do fek karê xo ra verabidî.”
Kemal Gezerî zî dîyar kerd ke goşto îthal tena dîyeno marketan û ti kes înan nêfikirîyeno.
Sefer Barişî wina va: “Wa fek na polîtîkaya şaşe ra verabidî. Eke marketî goşto ercan biroşî.”
MA/WAN