Hûmara 11’yîn ya Kovara Roza bi muhtewayekê dekerde vejîya. Hûmara peyên de roportaja bi nuştox Fatma Savci ca gêna.
Kovara Roza ke serra 2014’î de bi di ziwanan (kurdî û tirkî) destpa weşanî kerd, 3 aşman reyekê zey kovara kultur-huner û edebîyatî vejîyena. Kovar bi hûmara xo ya 11. resya destê wendoxanê xo.
“Huner geyrayişê heqîqetî yo”
Roza seba ke bibo vengê tepişteyanê sîyasî Enqere de hetê komekê wendekaranê kurd bi şîyara “Huner geyrayişê heqîqetî yo” destpa weşana xo kerd. Kovar de vêşêr şîîre, meqale, eserê edebî yê tepişteyanê sîyasî ca gênê.
Roza bin teftîşî de ya
Hûmara 11’yîn de zî vêşêr nuşteyê tepişteyan ca gênê. Hûmarî de roportaja bi nuştox Fatma Savci ke bi serran girotxaneyan de mend a hayr ancena.
Qapaxê hûmara 11. de eserê Luqman Ahmadê Rojawayij ke serra 2010î de bi temaya "Êzdayetî" viraşt bi ca gêno.
Zey xêlê weşanan (kovare, rojname, Tv, malper) Roza zî roja sifte ra heta nika bi zextê dewleta tirk ra rî bi rî ya. Derheqê Hûmara 4, 6, 3, 5, 7 û 9. yê kovarî de qerarê arekerdiş ame dayen. Derheqê Hûmara 6. yê Kovarî de rîwalo ke “Dosyaya Qirkerdişê Ermenîyan” weşînayo qerarê arekerdiş ame dayen.
DÎHABER/ENQERE