Nê rojanê îzolasyonê sosyalî yê Vîrûsê Koronayî (Covîd-19) de derheqê averşîyayîşê ziwanê dayîke de xebatê rindî yenê kerdiş, mavajê rojnameyê kurdkî derbazê weşanê dîjîtalî bîyê. Hewna hetê sazîyanê ziwanî ra bi dersê perwerdeyê dûrî ra kursê kurdkî yenî viraştiş. Kesê ke biwazî nê rojanê xo dekerde derbaz bikerî, eşkenê bi online beşdarê nê kursan bibî. hewna çarçeweya na xebata dîjîtalî de kesê ke biwazî kirmanckî bimusê, eşkenê bi perwerdeyê dûrî ra dersanê kirmanckî bigîre, bin o hewa qiseylerdiş, wendiş, nuştişê Kirmanckî bander bibî. Kovara Pîltan Fanzînî kovarêka kultir û ziwanê kirmanckî ser o ya, têdeyî de sanik û hîkayeyê estê û taybetî edet û kultirê elewîyan ser o zî xebatê taybet estê. Kovar, wendoxanê xo raywanîyêka bi rengîn ra dawet kena. Hûmara 5ine ya Kovara Pîltan Fanzînî PDFî reyde weşîneya. Vîrûsê Koronayî, sey vîrûsê bîn nîyo, no vîrûs zaf bi lez vila beno, hetta kapîtalîzm zî nêeşkeno çareserî bivîno. Peynîya nê hewteyî Tirkîya de di rojê qedexeyê tebervejyayişî esto û no zî seba wendişê kovare firsetêk o. Na hûmara kovare, bêpereyî ya. MERKEZÊ XEBERAN