Wezîrê Weşîye yê Tirkîya Fahrettin Kocayî derheqê rewşa peyêne ya janê Korona de zayanîş da. Goreyê zanayîşanê ke Kocayî dayî 24 saetanê peyênan de rîyê vîrusê Korona ra 75 kesanê bînan dinyaya xo bedilnayê û hûmare bîyê 649.
Kocayî da zanayiş ke heta ewro 202 hezar û 845 testî ameyê kerdiş û 30 hezar û 217 kesan de nêweşîye ameyê tesbîtkerdiş. Kocayî ard ziwan ke goreyê zêdbîyayîşê testan hûmara nêweşan kêm a û vat hûmara kesanê ke benê weş zêdîyena. Kocayî reyna vîst vîrê ke vîrus hêzê xo temasî ra gêno û vat; ma nê firsatî medê vîrusî û keyeyanê xo de bimanê. AMED