Rojnameyê Newaya Jinî ke aşmane vejîyena, hûmara xo ya newî weşanaye. Hûmara 170. ya rojnameyî bi manşetê ‘rayîrnîşadayoxê xoverdayîşî’ vejîyaye û na hûmare de ca dîya grevê vêşanîye ke Kurdîstan û xeylê cayanê dinya de dewam kenî.
Na hûmare de têkoşînê edaletî yê Dayîkê Şeme, xoverdayîşê tevgerê karkeran û krîzê ekonomîke, netîceyê weçînayîşî, huner, ilm, weşîye û sewbîna babetan ser o nuşteyî estî. Makaleyê Parlamentera HDPyî Dersîm Dage û Zeyla Gule, roportajê Fadîle Toke na hûmare de estî.
Reyna Rojda Yildirime Gebze de hêriş dîyayîşê dayîkan ser o, Nezahat Dogane çalakîya Dayîkê Şeme ke 735 hewte yo ke dewam keno, SAMER ra Yuksel Gençe netîceyê derheqê weçînayîşê 31ê Adare de, Necla Demîre krîzê ekonomîke û têkoşînê karkeran, hunermend Denîz Demane û Bermal Çeme zî polîtîkaya dagîrkeran ser o nuştî. Reyna ilm ra heta tarîx û têkoşînê cinîyan xeylê nuşteyê cîyayî na hûmare de ca girewtî.
AMED