Pêroyina Dinya 188 welatan de 2 mîlyonê kesê no vîrûsî ra kewtê. Hetê hûmara nêweşan ra Amerîka rêza yewine de ya. Îtalya, Spanya, Çîn, Almanya, Hîndistan, Fransa de Îran, Brîtanya de bi sehezaran kesê Koronayî ra kewtê. Tirkîya û Kurdistanî de hûmara kesê ke vîrûsî ra kewtê zêdîyena. Amed de ame dîyarkerdiş ke Fakulteyê Tipê Unîversîteya Dîcleyî de 2 xebatkarê weşîye û Nêweşxaneyê Dewlete ya Farqînî de zî doktor û hemşerîyêk vîrusê korona (Kovîd-19) ra kewtê. Dermankerdişê welatijê ke bi vîrus kewtî zî nêweşxane de dewam keno. Şaristan de heta nika 16 xebatkarê weşîye bi vîrusê Kovîd-19 kewtî û xebatkarekê weşîye zî cuya xo vinî kerd. AMED