Di pêroyina Tirkîya û Kurdistanê bi rojan seba Kobanê ya ke bi bin hêrişê çeteyê DAIŞê de yo çalakî amey darvistiş û peynîya çalakîyan serekkomar Tayyîp Erdogan bi vatişê ‘Ma do welatê xo vandalan pak bikerê’ qanûnê ke bi rayeyê verhera dona polêsan ard rojdemî û no vernûme bendê yo ke bêro rojdema Meclîsê. Peynîya vernûme bibo qanûn polês eşkenê yê molotofan erzenê bikişî, di çarçiweya vernûmeyê de seba kesê zirarê donê banê komeleyê cezayê giran zî est o.

Bi qanûna newe ra verîya daraznayişê bêyî girewtî zî yena girewtiş. Hewna di çalakîyan de yê rîyê xo gênî zî goreya vernûmeyê raştî cezayê giran bêrê. Huqûqan dîyar kerdî ke do bi no vernûmeyê şîdet zêde bibo û no di eynî demê de hadrekarîya pêkaranayişê rayverîya awarte ya sivîl o.
Huqûqnasanê Erdal Dogan ê ke gelek dozê muhîm ewnîyaya dîyar kerd ke di TMK û TCK a esto de maddeyê ke verba azadîya fikr û raman asteng kenî heta nika bîyê semeda pratîkê zaf xirap û heta vernûme bibo qanûn îxtîmala ke Tirkîya ver bi şerê mîyanxoyî şîro est o. Dogan ê ke nirxnayişê ‘Di ravêreyeya çareserî de nê pêkanîn eke tikeyîkî bêro sistkerdiş zî dem bi dem pêkanînê zaf xirab rayeke sewbî xo nîşan da’ kerd da zanayiş ke hukûmet bi mizgînîya sereraştkerdişê astengîyan dona kena waştişê welat ver bi asmosfera rayverîya awarte bibo.


MIZGÎNÎYA MERDIŞAN O

Dagan wina vat: “Çika ke vernûmeyê yena famkerdiş no yo ke pratîka kiştişê polêsan a welatijan bena qanûn û ser şar zî atmosfereke tirsê wazenê awan bikerê. Eke vernûme Dadgeha Heqê Merdimatî û Mekaqanûnê derbas bibo û bibo qanûn no yew do rayeyê polêsan zaf bikero û no di eynî demî de rayeya kiştişê yo, di nê çalakîyan de polêsan bêceza veraday zî pêkanîneke di welatê faşîst yena dîyîşê.”
Pawitoxê doza Hran Dînk Bahrî Bayram Belen zî der heqê vernûmeya ke do bêro rojdema Meclîsê Bahrîm Bahrî Bayram Belen zî vernûme zey hewldayişê dewleta di warê huqûqê de nîno bi rayîrê qanûnê holê rakerdî.

AMED