Sur de demê qedexeyan de vejîyayişî ser o Metîn Karadogan ame girewtiş û no demî zî hîna 17 serra bî. Vera serbestmendişê polîsan ey rê zabitnameyan dayî îmzekerdiş. Peynîya serbestmendişê kiştişê karmendê dewlete ser o hewna ameyo girewtiş. Hepisxaneyê Tarsusî ra Mehmet Karadogan Dadgeha Girane ya Amedî ra pawitişê xo erşawit û rojê Surî yew bi yew aşkera kerd.
Metîn Karadogan pawitişê xo de wina vano: “Peynîya merdişê pîyê xo rê pey, kûçeyan kewta û no ser zî destpê şuxilnayişê tiryakî û dizdeyî kerda. Rojê Xoverdayişê Surî de seba vînayişê rotoxê tiryakî Evdo şîya Sûrî. Min Evdo nêdî, seba dîzdeyî menda la min waşt bivejo, qedexeyî ser o nêeşkîya biveja. Ciwanan min teslîm girewtî û cipersayiş kerdê. Peynî zî min rê wezîfeyê nobetî dayê. Cayê nobetê min mintiqayê şerî rê dûr bî, peynî zî di birayî reyde ez teslîm bîya. Lejkeran ma rê îşkence kerdê û peynî ma berdê Şaxa TEMî û uca de zî bi zorî tay belgeyan dayî îmzekerdiş û peynî min tewqîf kerdê.”
Mudanya 2016 peynî musaya
Karadogan pawitişê xo de aşkera keno ke hepixane bi talîmatê qardîyan Şerîf ser o hepsê edlî tikey mendo o bikişê, peynî Şerîf ey rê vato ke tay embazê wazenî to bibînê û wina dewam keno: “Polîsê TEMî tay zabitnameyan ardî û min rê vatî ke eke ti îmze bikê, ti do bixelisê. Îmzekerdişê zabitnameyan rê pey min serbest veradayê. Peynî hewna min girewtî û no demî ez musaya ke min zey şahîdo nimîte Mudanya 2016 nîşan dayê û zaf kesî zî rîyê min ra tewqîf bîyê. Çi îfade ameyo se dayiş heme zûr ê û agahîya min zî çin ê. Destûr nêdanî ke ez beşdarê roniştişê dozan biba ke heme çik raşt bika. Ez aşkera vana ke heme çi zûr bî.”
AMED