Tecrîda 16 serran a Zîndana Îmralîyê de verba Rayverê Şarê Kurd Abdullah Ocalan yena meşnayiş, nîşaneya bingehîn a nêzdîbîyîşî ya AKPê ya problema kurd a. AKP a ke weçînayişê 3’ê teşrîna 2012’ê de bi vatişê ‘bedilnena’ bî hukimat, zey karê destpêka 4 aşman nêverada pawitox bi Ocalan ra pêvînayiş bikerî. Heqê pêvînayişê ke heta serra 2001’ê hefteyê di rojan bî, peynî serra 2001’ê kerdî hewteke rojeke. Peynî pêvînayişê mîyanê PKKê û dewletê de mîyanê raya peroyin de zey ‘Pêvînayişê Oslo’ yena zanayiş qedîya, 27’ê teşrîna 2011’ê de qedexeya pêvînayişê pawitoxan mayînde bî.
Buroya Huqiqê ya Seserrê, der heqê trafîka pêvînayişê Ocalan û pawitoxan a serra 1999’ê ra nuşteyek agahîyê weşan kerd.
Serra 99’ê de 46 pêvînayiş
Goreya na yewe, peynî ke Ocalan bi komployeke mîyaneteweyî Zîndana Îmraylîyê de ame bicakerdiş, pêvînayişê destpêkê 25’ê sibata serra 1999’ê de pê ame. Pawitoxê Ocalan serra 1999’ê daraznayiş û hêrişê lîncê yê verba şarê kurd de, sibate de rayeke, adare de 3 rayan, nîsane de 2, gulan û hezîrane de 5, temmuze de 7, tebaxe de 4, êlule de 7, citmenge de 4, teşrîne de 6 û kanûne de zî 2 rayan pêvînayiş kerdî. Hûmara pêvînayişê ke mîyanê pêroyin serrê de amey kerdiş 46 î
409 serpirodayiş ra red
27’ê temmuze 2011’ê ra nika pawitoxan seba pêvînayişê bi muwekîlê xo ra bi seyan ray serpirodayiş kerdî. Mîyanê 27’ê temmuze û 30’ê kanûna 2011’ê de 43, serra 2012’ê de 104, serra 2013’ê de 102, serra 2014’ê 104, serra 2015’ê de heta 15’ê temmuze 56 serpirodayiş ame kerdiş. Dewletê her rayê verpersê ‘keştî xêrabe yo’, ‘rewşa nêbaş a hewayê’ da û serpirodayişan red kerd. Ray rayna seba betlaneya fermî serpirodayiş seba pêvînayişê nêame qebulkerdişî.
Zîndana Îmralîyê
Pawitoxê Buroya Huqiqê ya Seserrê der heqê aşkera de qise kerdî û vatî ke Zîndana Îmralîyê ‘Guantanamoya Tirkîyayê’ ya û pawitoxan vîr ardî ke pêvînayişê pawitox û muwekîl bi qanûnan ameyo ewlekerdiş û wina dewam kerdî: “Labelê no heq bi awayekî kêfî yena astengkerdişî’.
Pawitoxan day aşkerakerdiş ke nê tena pêvînayişê pawitoxan, gelek heqê sewbî yê 16 serrê Zîndana Îmralî de yenî astengkerdişî.
RÛKEN ADALI/ANF/STENBOL