Hemleya Xezebê Firatî bi hawayo serkewte dewam kena. Hêzê cinîyan êdî her cayê dinya de yeno şinasnayîş. Badê rizgarkerdişê Minbicî zaf cinîyan vera xo dayî taxanê xoverdayîşî. Nê cinîyan ra yewe zî cinîya bi nameyê Leyla Stêrke ya.
Leyla Stêrka ke 4 aşmî yo beşdarê YPJyî bîya û eslê xo de ereb a, qala hedefê xo yê beşdarbîyayîşî kerde.
Fikrê azadî aver şî
Şerwana YPJyî Leyla Stêrke va ‘ez şerwananê YPJyî ra zaf tesîr bîya’ û wina dewam kerde: “Bado ke Minbic çeteyanê DAIŞî ra ame pakkerdiş, ez beşdarê YPJyî bîya. Cinîyî her ca de bindest î, labelê tîya de wina nîyo. Cinîyî eşkenî xo îfade bikerî. Cinîyî awanbîyayîşê YPJyî ra dima hîna zaf nizdîyê azadî bîyî. Mi beşdarbîyayîşê YPJyî de îradeya cinîyan şinasna. Mi bi saya YPJyî sîleh girewt destê xo. Ez seba azadîya cinîyan Reqa de şer kena. Heta ke cinîyî azad bibî, ma do şer bikerî. Fikrê azadî şexsîyetê mi de aver şî.”
REQA