Rejîmê Îranî hêrişo ke bajarê Ahwazî de wextê merasîmê leşkerî de amebî kerdene ver 22 kesî îdam kerdî. Seke yeno zanayene hêriş 22ê êlule de amebî kerdene û netîceyê ci de 24 kesî merdbî, bi desan kesî zî birîndar bîbî.
Goreyê Rêxistina Heqê Merdiman ya Îranî û xeberê ke ameyî weşanayene, rejîmî 8ê teşrîna peyêne de 22 kesî bi îdîaya ke têkilîya înan hêrişî reyde esta, îdam kerdî. Ame musayene ke 22 kesî heme ereb î. Nê kesî bê xebera keyeyê xo û bi hawayo komî ameyî îdamkerdene. Reyna ame musayene ke rejîm keyeyan ser o zextan keno ke wa tazîye nêronî û goreyê xeberan do cenazeyî zî teslîmê keyeyan nêrî kerdene.
ROJNEWS / AHWAZ