Meclîsa Surîye ya Demokratîke MSD derheqê kerdinanê Dewleta tirke ya îşgalkere de raporêk eşkera kerd. MSD vat, gere hêzê mîyannetewî peynî bi îşgalkerîya Dewleta tirke ya Efrînî bîyarê. Meclîsa Sûrîye ya Demokratîke verva îşgalkerîya Efrînî û vurnayişê demografîya Efrînî sero kombeyişêka çapemenî rodarvist û rewşa peyin sero agahî da raya pêroyîne. Îşgalkerîya Efrînî de rolê Netewanê Yewbîyin, Rusya û Koalîsyonê Mîyandewletî bivîr vist. Meclîse veng bi hêzanê mîyandewletîyan kerd û vat, gere quwetê mîyanneteweê peynî bi îşgalkerîya dewleta tirke ya Efînî bîyarê. Hemseroka Meclîsa Sûrîye ya demokratîke Îlham Ahmede kombiyayişe de qisey kerd û eleqe ant ser enî persgîrakan. Ahmede vat, Plana Hêzê Mîyannetewîyan waşt alozîyanê Surîya bi raharê sîyasî çareser bikerê, la dewleta tirke bi rahara dayişê Rusya Efrîn îşgalkerd. Badî îşgalkerîya Efrînî Dewleta tirke bi demografîya Efrînî kaykerd û zêdeyê 4 hezar çetey Efrînî de ca da kerdiş. Hêzê mîyannetewî verva îşgalkerîya Efrînî bê vengê, la gere rolê xo kaykê û îşgalkeran Efrînî ra vecê. Hemseroka Meclîsa Surîye ya Demokratîke Îlham Ahmede eleqe ant ser rewşa şarê Efrînî sero zî una qisey kerd: Efrîne ra end teyn 200 hezar kes koçberê bajar û derdorey Şehba bîyê, koçberî biê şertanê giranande  cuyenê. Labelê xemsarîya Netewîya Yewbyine rewşa şarê sero dewam keno. Lazmatîyanê Şarî Hemseroka MSD Îlham Ahmede Waştin û lazmatîyanê Şarî sero zî una vat: * Gere heme qerarê mîyandewletîyan seba vindertişê şerî  Sûrîya bîyarê karardiş. * Gere wextêko kilm de hedkarî  Şarê Efrînîrî bîyo erşawitiş. * Gere projeya vurnayişê Demografîya Efrînî bîyo vindarnayiş. * Hêzê îşgalkerî yê Cerablûs, Efrîn, Ezaz û Îdlîbî de bîyo qedênayişî. * Gere binê çimdîyayişê Netewîya Yewbîyine de şarê Efrînî ageyro ca û warê xo ser. * Hereketê îşgalkerîya Dewleta tirke yê verva erdanê Surîya bîyo vindarnayiş. * Artêşa Tirke û komê giredayeyê ya gere Efrînî ra bîyê vetişî. * Gere Rusya zextan bido ser şêraganê xo ke şerê Dêra Zore yê verva DAÎŞ'î nîyo astngkerdiş. ANHA/QAMIŞLO