Goreyê zanayîşê ke herême ra ameyî, leşkerê TSKyî bi piştîdayîşê çeteyê DAIŞ û rêxistinê ke girêdayeyê Mertalê Firatî yî, bajarê El Babî dagir kerdî û dagirkerdişê herême ra dima hêrişê şarê herême kerdî. Yeno vatiş ke bi desan ciwanê herême seba ke vera hêrişanê çeteyanê DAIŞî de çalakî viraştî, hetê hêzê TSK û rêxistinê çeteyan sey Sultan Murad, Cebhet El Şam, Ehrar El Şam ra ameyî tepiştiş û erzîyayî zîndanan.
Komêk ciwanî 9ê gulane de Bab, Qebasîn, Ezaz û taxê ke vera sîstemê ‘ewleyî’ de yî, çalakîyêka hemwext viraştî. Ame zanayîş ke endamê koma Cebhet El Şamî gule reşênayî çalakvanê Bab û Qebasînî ser de. Hedîse ra dima xeylê ciwanî bi hawayo giran birîndar bîyî û operasyonê tepiştiş û eştişê zîndanan dest pêkerdî. 5 rojî yo ke herême de operasyonî dewam kenî, ciwanî yenê tewqîfkerdiş û rasteyan de îşkence bi înan yeno kerdiş.
Qanûnê şerîatî
Endamêk Afhad El Selahaddînî yê qezaya Qebasînî ke nêwaşt nameyê xo bido, dîyar kerd ke çeteyî erzenî keyeyê înan ser û îşkence bi şaran kenî.“
Ciwanê bi nameyê T.E.Ryo ke Bab de rastê îşkence ameyo, dîyar kerd ke çeteyî 2 hewte verê nizdîyê Camîyê Şêx Farezî de bi qanûnê şerîatî mehkemeyêk viraştî.
DÎHABER/HELEB