13 gencê ke seatanê sodir de netîceyê sereştişê polîsanê herekatê teybet de amey binçimkerden raştê îşkence, tehdîdê merdiş û tecawizî ameybî. Gencan ra ganê Yûnûs Varli, Mûhammed Kaya, Umît Tekîn û Ûlaş Alankuşî de çopê derbî û dirbetî estê. Çim, qol, mîyane û cayanê cîya yê ganê wendekaran de şopê derbî aysenê.
Azayê ESP Îlke Başak Baydar û azayê SGDF Şerîfe Erbay, Ceren Çoban, Sila Kaynak û mûxabîra ETHA Ezgî Ozer ke bi îşkence û derban amey binçimkerden raştê tehdîdanê tecawiz û kiştişî amey. Rî û ganê azayanê cenî de şopê îşkence aysenê.
Gerreyê sûcî
Azayê sosyalîst ke badê îşkence şî nêweşxane rapora derbî girotî aşkere kerdî ke iyê dê derheqê polîsanê îşkencekerdoxan de gerreyê sûc bikerê. Azayê ESP Nacî Toper, Ozgur Kîraz, Hakan Kavût û Azayê MP yê HDP Ekber Kaya ke ameybî binçimkerden hona zî binçiman de yenê girewten. Goreyê zonayişan rewşê Toper û Kîraz ke giran o û ganê ci de şopê derbî estê hona zî binçiman de yenê giroten. Gerek heta nika sewqê edlîye bîyaybî la goreyê qerarnameyê newî yê OHALî wextê binçimkerdişî kerdî derg.
Ganî tedawî bibê
Pawitoxê Buroyê Hiqûq yê Bindestan Can Tombul ke bi muwekîlanê xo ra pêdiyayin viraşt aşkere kerd ke wextê sereştişî de muwekîlê ci raştê îşkence ameyê û vist vîrî ke ganî nêweşxane de tedawî bivînê. Tombulî vist vîrî ke nîno zonayiş ke muwekîlê ci bivejyê edlîye.
ANF/DERSIM